Okugeya nesilohenda lyaKalunga
Oshitewo shaDavid konima sho Doeg omuAdomise a yi kuSaul e te mu lombwele kutya David okwa zi megumbo lyaAhimelek
1 Munankondo ngoye,
omolwashike to inenepekele uukolokoshi woye?
Esilohenda lyaKalunga otali kala sigo aluhe.
2 Oto longekidha okuyona po yakweni;
elaka lyoye olya tsa ngaashi okakululo.
Aluhe oto toto omahokololo giifundja.
3 Ou hole uukolokoshi peha lyuuwanawa
nou hole iifundja peha lyoshili.
4 Mufundja ngoye,
ou hole okupopya nayi yakweni!
5 Onkee ano Kalunga ote ku hulitha po sigo aluhe;
ote ku kwata e te ku umbile kokule noyaandjeni;
ote ku tembudha mo mehala lyaanamwenyo.
6 Aayuuki otaye shi mono e taa tila;
otaye ku yolo e taa ti:
7 “Tala kunguka inaa pumbwa egameno lyaKalunga,
ihe okwi inekele uuyamba we owindji,
mokukolokosha omo a kongo egameno.”
8 Ihe ngame onda fa omuti gwomuolivi gwa mena megumbo lyaKalunga;
otandi inekele esilohenda lye aluhe sigo aluhe.
9 Kalunga, onda hala oku ku pandula aluhe;
ndi ku pandulile iilonga yoye.
Megongalo lyaantu yoye
otandi hokolola uuwanawa woye.
To the chief Musician, Maschil, A Psalm of David, when Doeg the Edomite came and told Saul, and said unto him, David is come to the house of Ahimelech.
1 Why boastest thou thyself in mischief, O mighty man? the goodness of God endureth continually.
2 Thy tongue deviseth mischiefs; like a sharp razor, working deceitfully.
3 Thou lovest evil more than good; and lying rather than to speak righteousness. Selah.
4 Thou lovest all devouring words, O thou deceitful tongue.
5 God shall likewise destroy thee for ever, he shall take thee away, and pluck thee out of thy dwelling place, and root thee out of the land of the living. Selah.
6 The righteous also shall see, and fear, and shall laugh at him:
7 Lo, this is the man that made not God his strength; but trusted in the abundance of his riches, and strengthened himself in his wickedness.
8 But I am like a green olive tree in the house of God: I trust in the mercy of God for ever and ever.
9 I will praise thee for ever, because thou hast done it: and I will wait on thy name; for it is good before thy saints.
