Ehempululo nedhiminopo
oshitewa shaDavid.
1 Aanelago oomboka oondjo dhawo dha dhimwa po,
mboka ya kuthilwa po omayono gawo.
2 Omunelago omuntu ngoka Omuwa itee mu pe uusama
noke na iifundja nando yasha.
3 Sho nda li inee hempulula oondjo dhandje,
onda li nda pwa po kokulila esiku kehe.
4 Uusiku nomutenya wa li wa geela ndje, Omuwa;
omatha gandje oga li ga kana,
ngaashi oshitosi tashi thekuka po kuupyu wopothinge.
5 Opo ihe onde ku hempululile oondjo dhandje;
inandi holeka omayono gandje.
Onda tokola oku ku hempululila omapuko gandje,
nowa dhimi po oondjo dhandje adhihe.
6 Aantu yoye mbo ye ku inekela,
otaa ku galikana momathimbo guudhigu;
oshikungulu nando oshi nenepale,
itashi ya gumu.
7 Ongoye egameno lyandje;
owa hupitha ndje momupya.
Otandi imbi mokule, sho wa hupitha ndje
naasho wa gamene ndje.
8 Omuwa ota ti:
“Otandi ku ulukile ondjila
ndjo u na okulandula;
otandi ku wilike e tandi ku tonatele.”
9 Ino kala egoya ngaashi onkambe nenge emulutiya,
mbyo hayi endithwa kiitomo nokomiya,
opo yi ngodhupale.
10 Aadhudhu otaa ka lila,
ihe mbo haa inekele Omuwa,
ote ya gamene omolwesilohenda lye.
11 Ne aayuuki, nyanyukweni ne mu imbe ekandanga omolwiilonga yOmuwa.
Ne mbo hamu vulika kuye, tanteni.
A Psalm of David, Maschil.
1 Blessed is he whose transgression is forgiven, whose sin is covered.
2 Blessed is the man unto whom the LORD imputeth not iniquity, and in whose spirit there is no guile.
3 When I kept silence, my bones waxed old through my roaring all the day long.
4 For day and night thy hand was heavy upon me: my moisture is turned into the drought of summer. Selah.
5 I acknowledged my sin unto thee, and mine iniquity have I not hid. I said, I will confess my transgressions unto the LORD; and thou forgavest the iniquity of my sin. Selah.
6 For this shall every one that is godly pray unto thee in a time when thou mayest be found: surely in the floods of great waters they shall not come nigh unto him.
7 Thou art my hiding place; thou shalt preserve me from trouble; thou shalt compass me about with songs of deliverance. Selah.
8 I will instruct thee and teach thee in the way which thou shalt go: I will guide thee with mine eye.
9 Be ye not as the horse, or as the mule, which have no understanding: whose mouth must be held in with bit and bridle, lest they come near unto thee.
10 Many sorrows shall be to the wicked: but he that trusteth in the LORD, mercy shall compass him about.
11 Be glad in the LORD, and rejoice, ye righteous: and shout for joy, all ye that are upright in heart.
