Okwiindila esindano
Episalomi lyaDavid
1 Omuwa ne ku yamukule, uuna u li muudhigu!
Kalunga kaJakob ne ku gamene!
2 Ekwatho lye nali ku ziilile motempeli ye.
Eambidhidho lye nali ku ziilile kondundu Sion.
3 Na taambe omagano ngoka to mu etele
ye na hokwe omayambo goye agehe.
4 Ne ku pe shoka wa hala
ye na tsakanithe oompangela dhoye adhihe.
5 Nena otatu ka kolwa kenyanyu omolwesindano lyoye,
nokupandeka ekandanga mokusimaneka Kalunga ketu.
Omuwa na yamukule omaindilo goye.
6 Ngashingeyi ondi shi shi kutya
Omuwa oha gandja esindano komukwaniilwa gwe omuhogololwa;
ote mu yamukula e li megulu lye eyapuki
nokoonkondo dhOmuwa, omukwaniilwa ota sindana.
7 Aantu yamwe otaa inekele omatemba gawo guukwiita,
yamwe uukambe wawo,
ihe tse otwi inekela oonkondo dhOmuwa Kalunga ketu.
8 Aantu ya tya ngeyi otaa punduka etaa gwile po,
ihe tse otwa thikama twa kolelela.
9 Omuwa, gandja esindano komukwaniilwa;
tu yamukula, ngele tatu ku indile.
To the chief Musician, A Psalm of David.
1 The LORD hear thee in the day of trouble; the name of the God of Jacob defend thee;
2 Send thee help from the sanctuary, and strengthen thee out of Zion;
3 Remember all thy offerings, and accept thy burnt sacrifice; Selah.
4 Grant thee according to thine own heart, and fulfil all thy counsel.
5 We will rejoice in thy salvation, and in the name of our God we will set up our banners: the LORD fulfil all thy petitions.
6 Now know I that the LORD saveth his anointed; he will hear him from his holy heaven with the saving strength of his right hand.
7 Some trust in chariots, and some in horses: but we will remember the name of the LORD our God.
8 They are brought down and fallen: but we are risen, and stand upright.
9 Save, LORD: let the king hear us when we call.
