Omupangeli omunene
Episalomi lyomezimo lyaKora
1 Aantu amuhe, hakeleni nenyanyu!
Hambeleleni Kalunga nomawi ga yeluka!
2 Omuwa gwokombandambanda oye e na okutilika;
oye omukwaniilwa omunene ta pangele uuyuni auhe.
3 Oye e tu sinditha aakuuyuni;
okwe tu pangelitha iigwana.
4 Okwe tu hogololele evi moka tu li,
eliko lyaantu ye e ya hole
noye li uvitile uuntsa.
5 Kalunga ota yi koshipangelapundi she.
Ope na oondjimbo dhenyanyu
nomahiko gomankuma, sho tu uka ko.
6 Imbileni Kalunga omahambelelondjimbo;
imbileni omukwaniilwa gwetu.
7 Kalunga oye omukwaniilwa guuyuni auhe;
mu hambeleleni noondjimbo!
8 Kalunga okwa kuutumba koshipangelapundi she oshiyapuki;
oye omupangeli gwiigwana.
9 Aapangeli yiigwana otaa gongalele pamwe naantu yaKalunga kaAbraham.
Kalunga oye omunankondo e vule omatangakwiita agehe;
oye omupangeli a shiga ko.
To the chief Musician, A Psalm for the sons of Korah.
1 O clap your hands, all ye people; shout unto God with the voice of triumph.
2 For the LORD most high is terrible; he is a great King over all the earth.
3 He shall subdue the people under us, and the nations under our feet.
4 He shall choose our inheritance for us, the excellency of Jacob whom he loved. Selah.
5 God is gone up with a shout, the LORD with the sound of a trumpet.
6 Sing praises to God, sing praises: sing praises unto our King, sing praises.
7 For God is the King of all the earth: sing ye praises with understanding.
8 God reigneth over the heathen: God sitteth upon the throne of his holiness.
9 The princes of the people are gathered together, even the people of the God of Abraham: for the shields of the earth belong unto God: he is greatly exalted.
