Hagar naIsmael
1 Omukulukadhi gwaAbram Sarai ine mu valela nando aanona. Ihe Sarai okwa li e na omudhike Omuegipiti omupika, edhina lye Hagar, 2 onkee Sarai okwa ti kuAbram: “Omuwa okwa keelele ndje okuvala aanona. Inda, u ka lale nomupika gwandje, pamwe ta valele ndje okanona.” Abram okwa zimine ndhoka a lombwelwa kuSarai. 3 Sarai okwa kutha omupika gwe Hagar Omuegipiti e te mu gandja kuAbram, a kale omukiintu gwe. (Shika sho sha ningwa, Abram okwa adhika a kala muKaanan omimvo omulongo.) 4 Abram okwa lala naHagar e ta ningi omusimba. Sho i idhimbulula kutya a ningi omusimba, okwi inenepeke e ta dhini Sarai.
5 Nena Sarai okwa ti kuAbram: “Epuko olyoye, Hagar sho a dhini ndje. Ongame mwene nde mu gandja kungoye, ihe sho i idhimbulula kutya a ningi omusimba, okwa dhini ndje. Omuwa na tokole kutya olye e li mondjila, ongoye nenge ongame.”
6 Abram okwa yamukula a ti: “Onawa, omupika gwoye oku li mepangelo lyoye, mu ninga shoka wa hala.” Nena Sarai okwa ngwandjagula Hagar, sigo i iteka po puye e ta yi.
7 Omuyengeli gwOmuwa okwa tsakaneke Hagar poluthithiya mombuga mondjila yu uka kuShur 8 e ta ti: “Hagar, omupika gwaSarai, oto zi peni nowu uka peni?”
Hagar okwa yamukula a ti: “Ote yi ontuku mwene gwandje.”
9 Omuyengeli gwOmuwa okwa ti: “Shuna kuye, u kale omupika gwe.” 10 Nena omuyengeli gwOmuwa okwa ti: “Otandi ke ku pa oluvalo olwindji, nokape na ngoka ta vulu oku lu yalula. 11 Oto ka vala okamati; ka luka Ismael, oshoka Omuwa oku uvu okulila kwoye. 12 Ihe omumwoye ota ka kala a fa okasinokuti. Ota ka tsa ondumbo nomuntu kehe, nashaa ngoka ota tsu ondumbo naye. Ota ka kala kokule naakwanezimo lye.”
13 Hagar okwi ipopile e ta ti: “Onda mono tuu shili Kalunga notandi kala tuu ndi na omwenyo, opo ndi shi hokolole?” Onkee okwa luku Omuwa ngoka e mu popitha “Kalunga ngoka ha mono.”
14 Shika osho sha ningitha, aantu ya luke omuthima gwopokati kaKadesh naBered “Omuthima gwOmunamwenyo ngoka e wete ndje.” 15 Hagar okwa valele Abram omumati e te mu luku Ismael. 16 Pethimbo ndyoka Abram okwa li e na omimvo omilongo hetatu nahamano.
1 Now Sarai Abram’s wife bare him no children: and she had an handmaid, an Egyptian, whose name was Hagar. 2 And Sarai said unto Abram, Behold now, the LORD hath restrained me from bearing: I pray thee, go in unto my maid; it may be that I may obtain children by her. And Abram hearkened to the voice of Sarai. 3 And Sarai Abram’s wife took Hagar her maid the Egyptian, after Abram had dwelt ten years in the land of Canaan, and gave her to her husband Abram to be his wife.
4 ¶ And he went in unto Hagar, and she conceived: and when she saw that she had conceived, her mistress was despised in her eyes. 5 And Sarai said unto Abram, My wrong be upon thee: I have given my maid into thy bosom; and when she saw that she had conceived, I was despised in her eyes: the LORD judge between me and thee. 6 But Abram said unto Sarai, Behold, thy maid is in thy hand; do to her as it pleaseth thee. And when Sarai dealt hardly with her, she fled from her face.
7 ¶ And the angel of the LORD found her by a fountain of water in the wilderness, by the fountain in the way to Shur. 8 And he said, Hagar, Sarai’s maid, whence camest thou? and whither wilt thou go? And she said, I flee from the face of my mistress Sarai. 9 And the angel of the LORD said unto her, Return to thy mistress, and submit thyself under her hands.
10 And the angel of the LORD said unto her, I will multiply thy seed exceedingly, that it shall not be numbered for multitude. 11 And the angel of the LORD said unto her, Behold, thou art with child, and shalt bear a son, and shalt call his name Ishmael; because the LORD hath heard thy affliction. 12 And he will be a wild man; his hand will be against every man, and every man’s hand against him; and he shall dwell in the presence of all his brethren. 13 And she called the name of the LORD that spake unto her, Thou God seest me: for she said, Have I also here looked after him that seeth me? 14 Wherefore the well was called Beer-lahai-roi; behold, it is between Kadesh and Bered.
15 ¶ And Hagar bare Abram a son: and Abram called his son’s name, which Hagar bare, Ishmael. 16 And Abram was fourscore and six years old, when Hagar bare Ishmael to Abram.
