Kalunga oku li pamwe natse
Eimbilo lyomezimo lyaKora
1 Kalunga oye epopilongulu noonkondo dhetu.
Okwi ilongekidha aluhe okukwatha momathimbo guudhigu.
2 Onkee ano itatu tila sha,
evi nando nali kakamithwe
noondundu nando nadhi gwile muule wefuta;
3 omafuta nando naga geye nokupindjala,
niikulundundu nando oyi ndjingandjingithwe kepiyagano.
4 Oku na omulonga tagu eta enyanyu moshilando shaKalunga,
omuuwa uuyapuki waanguka gwokombandambanda.
5 Kalunga oku li moshilando shoka,
noitashi ka yonagulwa po;
petendo lyeluwa ote ya, e shi gamene.
6 Iigwana oya kuyunguta, iilongo otayi pegeya;
Kalunga ota ndunduma, evi notali hemuka po.
7 Omuwa Omunankondoawike oku li pamwe natse;
Kalunga kaJakob oye omupopili gwetu.
8 Ileni, mu tale iilonga yOmuwa.
Konekeni iikumithalonga
mbyoka e yi longo kombanda yevi.
9 Ota hulitha po omalugodhi kombanda yevi alihe;
ota teya omatati, ta ndonyona omagonga,
niikandekitho ote yi fike po.
10 Oye a ti: “Etheni okukondja.
Shi tseyeni kutya ongame Kalunga, ndi li kombanda yiigwana
nokombanda yuuyuni auhe.”
11 Omuwa Omunankondoawike oku li pamwe natse;
Kalunga kaJakob oye omupopili gwetu.
To the chief Musician for the sons of Korah, A Song upon Alamoth.
1 God is our refuge and strength, a very present help in trouble.
2 Therefore will not we fear, though the earth be removed, and though the mountains be carried into the midst of the sea;
3 Though the waters thereof roar and be troubled, though the mountains shake with the swelling thereof. Selah.
4 There is a river, the streams whereof shall make glad the city of God, the holy place of the tabernacles of the most High.
5 God is in the midst of her; she shall not be moved: God shall help her, and that right early.
6 The heathen raged, the kingdoms were moved: he uttered his voice, the earth melted.
7 The LORD of hosts is with us; the God of Jacob is our refuge. Selah.
8 Come, behold the works of the LORD, what desolations he hath made in the earth.
9 He maketh wars to cease unto the end of the earth; he breaketh the bow, and cutteth the spear in sunder; he burneth the chariot in the fire.
10 Be still, and know that I am God: I will be exalted among the heathen, I will be exalted in the earth.
11 The LORD of hosts is with us; the God of Jacob is our refuge. Selah.
