Egalikano lyomukeenandjo
Egalikano lyaDavid
1 Omuwa, pulakena ndje; sho te indilile uuyuuki;
gameka okutsi kwoye kokulila kwandje!
Pulakena, sho tandi ku indile nomwenyo gu uka.
2 Oto uthile ndje okwaanuusama,
oshoka ou shi shoka shu uka.
3 Ongoye wa tseya omutima gwandje,
oho ya kungame uusiku;
owa konakona ndje nawa,
ihe ino mona ndje uuwinayi.
4 Ihandi popi uukolokoshi, ngaashi yalwe haa ningi;
onda dhiginine okulandula omautho goye,
noinandi landula oondjila dhuupwidhi.
5 Onda dhiginine okweenda mondjila yoye,
noonkatu dhandje inadhi puguma mo.
6 Kalunga, otandi ku galikana,
oshoka oto uvu ndje;
gameka okutsi kwoye kungame,
u pulakene oohapu dhandje.
7 Holola ohole yoye onkumithi,
ngu u tu hupithe;
opungoye tatu holama aatondi yetu.
8 Gamena ndje ongomuni yeho lyoye;
holeka ndje momuzile gwomawawa goye,
9 ndaa adhike komahomono gaakolokoshi.
Aatondi yandje aadhipagi ohaa kondeke ndje;
10 oyo kaye na olukeno
notaa popi oohapu dhiilundo.
11 Ngashingeyi oya kondeka ndje koombinga adhihe
ya tega ompito yokunukila ndje.
12 Oyo taa langele ndje ya fa onime
ya hala okutuulagula ndje.
13 Ila, Omuwa, kondjitha aatondi yandje, u ya sinde!
Hupitha ndje miikaha yaakolokoshi negongamwele lyoye;
14 hupitha ndje mwaamboka ye na ashihe shoka ya pumbwa muuyuni mbuka.
Ya geela nuudhigu mboka we ya pungulila.
Egeelo nali gwanene oyana
ko naku kale lyaana yoyana yawo.
15 Ihe ngame otandi ke ku mona,
oshoka inandi longa sha sha puka;
nongele te penduka,
okukalapo kwoye otaku nyanyudha ndje.
A Prayer of David.
1 Hear the right, O LORD, attend unto my cry, give ear unto my prayer, that goeth not out of feigned lips.
2 Let my sentence come forth from thy presence; let thine eyes behold the things that are equal.
3 Thou hast proved mine heart; thou hast visited me in the night; thou hast tried me, and shalt find nothing; I am purposed that my mouth shall not transgress.
4 Concerning the works of men, by the word of thy lips I have kept me from the paths of the destroyer.
5 Hold up my goings in thy paths, that my footsteps slip not.
6 I have called upon thee, for thou wilt hear me, O God: incline thine ear unto me, and hear my speech.
7 Shew thy marvellous lovingkindness, O thou that savest by thy right hand them which put their trust in thee from those that rise up against them .
8 Keep me as the apple of the eye, hide me under the shadow of thy wings,
9 From the wicked that oppress me, from my deadly enemies, who compass me about.
10 They are inclosed in their own fat: with their mouth they speak proudly.
11 They have now compassed us in our steps: they have set their eyes bowing down to the earth;
12 Like as a lion that is greedy of his prey, and as it were a young lion lurking in secret places.
13 Arise, O LORD, disappoint him, cast him down: deliver my soul from the wicked, which is thy sword:
14 From men which are thy hand, O LORD, from men of the world, which have their portion in this life, and whose belly thou fillest with thy hid treasure: they are full of children, and leave the rest of their substance to their babes.
15 As for me, I will behold thy face in righteousness: I shall be satisfied, when I awake, with thy likeness.
