Kalunga kashili
1 Omuwa, esimano inali ninga lyetu,
aawe, kali shi lyetu.
Nali ninge lyedhina lyoye,
omolwesilohenda nuudhiginini woye.
2 Omolwashike iigwana yi na oku tu pula tayi ti:
“Kalunga keni oku li peni?”
3 Kalunga ketu oku li megulu;
ota longo shoka she mu opalela.
4 Ihe iikalunga yayo oyo oshisiliveli noshingoli
noya hambulwa niikaha yaantu.
5 Oyi na omakana, ihe itayi vulu okupopya;
oyi na omeho, ihe itayi vulu okumona ko.
6 Oyi na omakutsi, ihe itayi vulu okuuva ko;
oyi na omayulu, ihe itayi vulu okunika sha.
7 Oyi na iikaha, ihe itayi vulu okukwata sha;
oyi na oompadhi, ihe itayi vulu okweenda;
momakana gayo ihamu zi ewi lyasha.
8 Mboka haye yi hambula, otaa ka faathana nayo,
nosho wo mboka haye yi inekele.
9 Ne Aaisraeli, inekeleni Omuwa.
Oye ote mu kwatha
note mu gamene.
10 Ne yomezimo lyaAaron, inekeleni Omuwa.
Oye ote mu kwatha note mu gamene.
11 Ne mboka hamu mu tila, inekeleni Omuwa.
Oye ote mu kwatha note mu gamene.
12 Omuwa okwe tu dhimbulukwa note ke tu yambeka;
ota ka yambeka Aaisraeli nezimo lyaAaron.
13 Ota yambeke mboka haye mu simaneke,
aadhinwa nenge aanenentu.
14 Omuwa ne mu indjipalithe,
one pamwe noluvalo lweni.
15 Lalekweni nuuyamba kOmuwa,
omushiti gwegulu nogwevi!
16 Egulu lyokombandambanda
olyo ehala lyOmuwa mwene,
ihe evi okwe li pe aana yaantu.
17 Aasi itaa vulu okuhambelela Omuwa,
naamboka taa kulukile mehala lyeimweneneno.
18 Ihe tse aanamwenyo otatu hambelele Omuwa,
nena nosigo aluhe.
Halleluja!
1 Not unto us, O LORD, not unto us, but unto thy name give glory, for thy mercy, and for thy truth’s sake.
2 Wherefore should the heathen say, Where is now their God?
3 But our God is in the heavens: he hath done whatsoever he hath pleased.
4 Their idols are silver and gold, the work of men’s hands.
5 They have mouths, but they speak not: eyes have they, but they see not:
6 They have ears, but they hear not: noses have they, but they smell not:
7 They have hands, but they handle not: feet have they, but they walk not: neither speak they through their throat.
8 They that make them are like unto them; so is every one that trusteth in them.
9 O Israel, trust thou in the LORD: he is their help and their shield.
10 O house of Aaron, trust in the LORD: he is their help and their shield.
11 Ye that fear the LORD, trust in the LORD: he is their help and their shield.
12 The LORD hath been mindful of us: he will bless us; he will bless the house of Israel; he will bless the house of Aaron.
13 He will bless them that fear the LORD, both small and great.
14 The LORD shall increase you more and more, you and your children.
15 Ye are blessed of the LORD which made heaven and earth.
16 The heaven, even the heavens, are the LORD’s: but the earth hath he given to the children of men.
17 The dead praise not the LORD, neither any that go down into silence.
18 But we will bless the LORD from this time forth and for evermore. Praise the LORD.
