Eimburiro rokutanga
1 Indjeye, tu tange Muhona!
Ngatu imburire Ndjambi nenyando;
eye ongu tu yama!
2 Ngatu tumbuke komurungu we nomatangero,
tu mu imburire omaimburiro wondjoroka.
3 Orondu Muhona eye Ndjambi omunamasa,
Ombara onamasa poomukuru wovisenginina avehe.
4 Eye u honapara kombanda yehi arihe,
okuza kehi yehi nga kozondomba zozondundu.
5 U honapara kombanda yokuvare kwa uta,
na kombanda yehi nda mema.
6 Indjeye tu rikote nokurikotamena ku ye;
ngatu wore ozongoro
komurungu wa Muhona, Omuute wetu.
7 Orondu eye onguri Ndjambi wetu,
neṱe oweṱe otjiwaṋa tje risa,
norupanda ndu hongorerwa i eke re.
Arikaneye, purateneye ndinondi eye
tji ma tja:
8 “Amu kukutisa omitima vyeṋu otja
ooiho mukururume tji va tjitire mOmeriba,
notja tji va tjitire meyuva ndi ndi
va ri mOmasa, mokuti onguza.
9 Imbo owo ve ndji rorere
nave ndji kondjisa,
nandarire kutja owo va muna oviungura,
mbi mbe ve tjitira.
10 Oure wozombura omirongo vine
ami mba yaukisiwa i otjiwaṋa hi ne tja:
‘Otjo otjiwaṋa tjomutima mbwa puka;
tji panḓa okukara nonḓuviro komarakiza wandje.’
11 Opu mba za okuyana momazenge wandje, ne tja:
‘Tjiri, kamaamu hiti mehi ami
metje kemupa orusuvo.’ ”
© Herero Revision Bible © Bible Society in Namibia, 2021.
