Ovanatje nozondekurona za Benjamin
1 Benjamin wa ri novazandu vetano. Otjiveri tje wa ri Bela, outjavari wa ri Asbel, outjatatu wa ri Akrak, 2 outjaine wa ri Noha, noutjatano wa ri Rafa.
3 Ozondekurona za Bela za ri: OoAdar na Gera na Abihud, 4 na Abisua na Naaman na Ahoak, 5 na Gera na Sefufan na Huram.
6-7 Ehud wa ri novazandu vetatu: OoNaaman na Ahija na Gera. Owo va ri oviuru vyomaṱunḓu wovature va Geba. Nowo va twarewa mouhuura kotjihuro Manahat. Gera, ihe ya Usa na Ahihud, ongwe ve hongorera mouhuura mbwi.
8-9 Saharaim wa isa ovakazendu ve vevari ooHusim na Baara. Nu kombunda Saharaim tja katura mehi ra Moab, wa kakupa omukazendu wena Hodes, nowo va ri novazandu hambombari: OoJobab na Sibja na Mesa na Malkam, 10 na Jeus na Sakeja na Mirma. Ovazandu ve avehe va karira oviuru vyomaṱunḓu.
11 Eye wina wa ri novanatje vevari mu Husim: OoAbitub na Elpaal.
12 Elpaal wa ri novazandu vetatu: OoEber na Misam na Semed. Semed ongwa tunga ovihuro ooOno na Lod novirongo vyavyo.
Ovabenjamin mOgat na Ajalon
13 Beria na Sema va ri oviuru vyomaṱunḓu nga turire motjihuro Ajalon; nu va ramba ovandu, mba turire motjihuro Gat. 14 Ozondekurona za Beria za ri OoAhijo na Sasak na Jeremot, 15 na Sebadja na Arad na Eder, 16 na Mikael na Ispa na Joha.
Ovabenjamin mOjerusalem
17 Ozondekurona za Elpaal za ri: OoSebadja na Mesulam na Hiski na Heber, 18 na Ismerai na Islia na Jobab.
19 Ozondekurona za Simi za ri OoJakim na Sikri na Sabdi, 20 na Elienai na Siletai na Eliel, 21 na Adaja na Beraja na Simrat.
22 Ozondekurona za Sasak za ri OoIspan na Eber na Eliel, 23 na Abdon na Sikri na Hanan, 24 na Hananja na Elam na Antotija, 25 na Ifdeja na Penuel.
26 Ozondekurona za Jeroham za ri OoSamserai na Seharja na Atalja, 27 na Jaaresja na Elia na Sikri.
28 Imba ombe ri oviuru vyomaṱunḓu otja komihoko vyawo nozondekurona zawo mbya turire mOjerusalem.
Ovabenjamin mOgibeon na Jerusalem
29 Jeiel ongwa utire otjihuro Gibeon na tura mu tjo. Ena romukazendu we ra ri Maaka. 30 Nomuzandu otjiveri tje wa ri, Abdon. Ovazandu ve ovakwao va ri, OoSur na Kis na Baal na Nadab, 31 na Gedor na Ahijo na Seker, 32 na Miklot, ngwa ri ihe ya Sima. Nozondekurona zawo za turire mOjerusalem, popezu novazamumwe vomuhoko wawo.
Ovanatje nozondekurona zombara Saul
33 Ner wa ri ihe ya Kis, ngwa kwata Saul. Saul wa ri novazandu vane: OoJonatan ma Malkisua na Abinadab na Esbaal. 34 Jonatan wa ri ihe ya Merib-Baal, mu mwa za Mika.
35 Mika wa ri novazandu vane: OoPiton na Melek na Tarea na Ahas. 36 Ahas wa ri ihe ya Jehoada, ngwa ri ihe yovazandu vetatu: OoAlemet na Asmawet na Simri. Simri wa ri ihe ya Mosa, 37 ngwa kwata Bina, ihe ya Rafa, mu mwa za Elasa, ihe ya Asel.
38 Asel wa ri novazandu hamboumwe: OoAsrikam na Bokru na Ismael na Searja na Obadja na Hanan. 39 Esek, omuangu wa Asel, wa ri novazandu vetatu: OoUlam na Jeus na Elifelet.
40 Ovazandu va Ulam va ri ovarumendu ovarwe, omapenda nozombangaṋe, novayumbe vouta. Owo va ri novanatje, novanatje vovanatje, avehe kumwe esere nomirongo vitano. Avehe mba va ri ovomuhoko wa Benjamin.
© Herero Revision Bible © Bible Society in Namibia, 2021.
