Eimburiro rokutja okuhepa ku Ndjambi
Komuimburise wotjiketara. Epsalme. Eimburiro.
1 Ndjambi nge tu tjariparere,
nu nge tu sere ondaya,
nga yerise omurungu we ku eṱe,
2 kutja ombango ye i tjiukwe kombanda yehi,
nokutja oviwaṋa avihe vi tjiwe ondjamo ye.
3 Oviwaṋa ngavi ku tange, Ndjambi;
oviwaṋa avihe ngavi ku hivirike!
4 Omihoko ngavi nyande nu ngavi yoroke,
orondu ove u vi pangura nousemba,
nu u honaparera oviwaṋa
avihe kombanda yehi.
5 Oviwaṋa ngavi ku tange, Ndjambi;
oviwaṋa avihe ngavi ku hivirike!
6 Ehi ra eta ovihape vyaro;
Ndjambi, ngu ri Ndjambi wetu,
me tu sere ondaya.
7 Ndjambi me tu sere ondaya;
noviwaṋa avihe kombanda yehi
mavi kara nondira ku ye.
© Herero Revision Bible © Bible Society in Namibia, 2021.
