Ongumbiro yomuhuurwa
1 Ndjambi, raisa kutja owami omusemba,
nu ndji rwisira otjiposa tjandje
movandu mbe he ri kotamene kove;
ndji yama kovandu ovanavineya novarunde!
2 Oove ngu ri Ndjambi omaundiro wandje,
mo ndji nakaurire tjike?
Ami me kara pokutatumisirwa
tjike i ovanavita na ami ovindandi?
3 Ndji hindira ondjerera nouatjiri woye
kutja vi ndji ṱike
nu vi ndji yarure kondundu yoye
ondjapuke na komaturiro woye.
4 Nu otji me kakurama potjipunguhiro tjoye, Ndjambi,
oove ngu u ri omburo yondjorokero yandje.
Me ku tanga notjiharpe,
Ndjambi, Ndjambi wandje.
5 Muinyo wandje wa yumanene tjike?
Wa kurungire tjike nai?
Ami me riyameke ku Ndjambi!
Nu tjiri, ami me mu tanga rukwao,
ngu ri omuyame wandje na Ndjambi wandje.
© Herero Revision Bible © Bible Society in Namibia, 2021.
