Embo ondi ri Omuinyo
1 Eye wa kara ko okuza kombutiro. Eṱe oveni twe mu zuva; twe mu muna nomeho wetu oveni; ii, twe mu muna natu ṱunu ko nomake wetu. Eye Embo, neye Omuinyo. 2 Nu Omuinyo mbwi tji wa munika, eṱe twe u muna, noweṱe ovahongonone vawo. Eṱe matu mu zuvarisire imbwi Omuinyo waaruhe mbwa ri pu Ihe nu mbwa tjiukisiwa ku eṱe. 3 Neye ngwi ngu twa muna nu ngu twa zuva ongu matu mu zuvarisire, kokutja eṋe mu kare noruwano na eṱe, indwi ndu tu na rwo na Ihe nOmuna we Jesus Kristus. 4 Nomambo nga matu ye tjangere kutja enyando retu ri urisiwe.
Ndjambi Ondjerera
5 Nambano indji ombuze ndji twa zuva mOmuna we nu ndji twe mu zuvarisira, oyo ndji: Ndjambi ondjerera nu mu ye kamu nonḓorera nangarire kaṱiṱi. 6 Nu tji twa tja tu noruwano na ye amatu ryanga monḓorera, okutja matu kora ovizeze momambo na movitjitwa vyetu. 7 Nungwari tji matu ryanga mondjerera otja eye tjinga e ri mondjerera, okutja matu karasana noruwano, nombinḓu ya Jesus, Omuna we, mai tu kohorora kourunde auhe.
8 Tji matu tja katu nourunde, matu riwovisa oveni, nu mu eṱe kamu nouatjiri. 9 Nungwari tji matu hepura ourunde wetu ku Ndjambi, eye omuṱakame nomusemba, nu me tu isire ourunde wetu ne tu kohorora komauhasemba wetu aehe. 10 Tji matu tja katu tjiti ourunde, Ndjambi matu mu ruku omunavizeze, nembo re kari mo mu eṱe.
© Herero Revision Bible © Bible Society in Namibia, 2021.
