Muhona eye Omuyame wetu
1 Omeho wandje me yere kozondundu;
ombatero yandje i za ku tjiṋe?
2 Ombatero yandje i za ku Muhona
ngwa utire eyuru nehi.
3 Eye ke nokukutarera amo putara;
ingwi ngu ku tjevera ka rara.
4 Tjiri, omutjevere wa Israel ka koṱura,
nu ka rara.
5 Muhona me ku tjevere, Muhona
me ku yama komaumba aehe.
6 Eyuva mutenya kari nakuveta
ozohanya move,
nu ouṱuku omueze kau nakukutjita otjipo.
7 Muhona me ku tjevere koviwonga avihe,
ma yama omuinyo woye.
8 Muhona me ku yama,
tji mo i na tji mo kotoka,
nambano nga ko nga aruhe.
© Herero Revision Bible © Bible Society in Namibia, 2021.
