1 Ekuruhungi 1 - Herero Revision Bible (HRR)

Ozondekurona za Adam

1 Adam wa ri ihe ya Set, mu mwa za Enos, nu Enos a kwata Kenan, 2 ihe ya Mahalalel, nu mu Mahalalel amu zu Jered. 3 Jered wa ri ihe ya Enok, ngwa kwata Metuselak, mu mwa za Lamek, 4 ngwa ri ihe ya Noa. Noa wa ri novanatje ovazandu vetatu: OoSem na Ham na Jafet.

5 Ovazandu va Jafet va ri: OoGomer na Magog na Madai na Jawan na Tubal na Mesek na Tiras. 6 Ovazandu va Gomer va ri: OoAskenas na Difat na Togarma. 7 Ovazandu va Jawan va ri: OoElisa na Tarsis; Ovakiti nOvarodani wina va ri ozondekurona za Jawan.

8 Ovazandu va Ham va ri: OoKus na Engipte na Libya na Kanaan. 9 Ovazandu va Kus va ri: OoSeba na Hawila na Sabta na Rama na Sabteka; novazandu va Rama va ri OoSaba na Dedan. 10 Kus wa ri ihe ya Nimrod, ngwa karira omurumendu ombangaṋe omutenga mouye. 11 Engipte wa ri ihe yOvaludi nOvaanami nOvalehabi nOvanaftuhi, 12 nOvapatrosi, nOvakasluhi mu mwa za Ovafilisti, nOvakaftori. 13 Kanaan wa ri ihe ya Sidon, everi re, na Het; 14-16 nOvajebusi nOvaamori nOvagirgasi, nOvahevi nOvaarki nOvasini, nOvaarwadi nOvasemari nOvahamati va ri ozondekurona za Kanaan.

17 Ovazandu va Sem va ri OoElam na Asur na Arpaksad na Lud na Aram na Us na Hul na Geter na Mesek. 18 Arpaksad wa ri ihe ya Selak, nu Selak wa ri ihe ya Eber. 19 Eber wa kwata ovazandu vevari, umwe wa rukirwe Peleg; orondu momayuva we ovature vehi otji va haṋika mouye; nomuangu we wa rukirwe Joktan. 20 Ozondekurona za Joktan za ri: OoAlmodad na Selef na Hasarmawet na Jerak, 21 na Hadoram na Usal na Dikla, 22 na Ebal na Abimael na Seba, 23 na Ofir na Hawila na Jobab. Imba avehe omba ri ozondekurona za Joktan.

24 Ozondekurona za Sem okuza ku ye nga ku Abram ozo nḓa: OoSem na Arpaksad na Selak, 25 na Eber na Peleg na Reu, 26 na Serug na Nahor na Terak, 27 na Abram, wina ngu isanewa kutja Abraham.

Ozondekurona za Ismael

(Gen 25:12-16)

28 Ovazandu va Abraham va ri: OoIsak na Ismael. 29 Ovazandu va Ismael omba karira oviuru vyomihoko omurongo na vivari mbi: OoNebajot, everi ra Ismael, na Kedar na Adbeel na Mibsam, 30 na Misma na Duma na Masa na Hadad na Tema, 31 na Jetur na Nafis na Kedma; imba omba ri ovazandu va Ismael.

32 Abraham wa ri nomukazendu omumbanda wena Ketura, ngwe mu pandukira ovazandu hamboumwe mba: OoSimran na Joksan na Medan na Midian na Jisbak na Suak. Joksan wa ri novazandu vevari: OoSeba na Dedan. 33 Midian wa ri novazandu vetano: OoEfa na Efer na Henok na Abida na Eldaa. Inḓa azehe onḓa ri ozondekurona za Ketura.

Ozondekurona za Esau

(Gen 36:1-19)

34 Isak, omuzandu wa Abraham, wa ri novazandu vevari: OoEsau na Jakob. 35 Ovazandu va Esau va ri: OoElifas na Reguel na Jeus na Jalam na Kora. 36 Ovazandu va Elifas va ri: OoTeman na Omar na Sefo na Gatam na Kenas na Timna na Amalek. 37 Ovazandu va Reguel va ri: OoNahat na Serak na Sama na Misa.

Ovature ovatenga va Edom

(Gen 36:20-30)

38 Ovazandu va Seir va ri: OoLotan na Sobal na Sibon na Ana na Dison na Eser na Disan.

39 Ovazandu va Lotan va ri: OoHori na Homam; nomuṱena wa Lotan wa ri Timna.

40 Ovazandu va Sobal va ri: OoAlwan na Manahat na Ebal na Sefi na Onam; novazandu va Sibon va ri: OoAja na Ana.

41 Omuzandu wa Ana wa ri Dison; novazandu va Dison va ri: OoHemban na Esban na Itran na Keran.

42 Ovazandu va Eser va ri: OoBilhan na Sawan na Akan.

Ovazandu va Dison va ri: OoUs na Aran.

Ozombara za Edom

(Gen 36:31-43)

43 Ozombara nḓa honaparere mehi ra Edom, ngunda ape hiya kara ombara mOisrael, ozo nḓa:

OBela, omuzandu wa Beor, ngwa zire kotjihuro Dinhaba.

44 Jobab, omuzandu wa Serak, ngwa zire kObosra, wa yaruka moruveze rwa Bela.

45 Husam ngwa zire kehi rOvateman, wa honapara moruveze rwa Jobab.

46 Hadad, omuzandu wa Bedad, ngwa haverere Ovamidian mokuti kwa Moab, wa honapara moruveze rwa Husam; notjihuro tje tja rukirwe Awit.

47 Samla ngwa zire kOmasreka wa honapara moruveze rwa Hadad.

48 Saul ngwa zire kOrehobot konḓonḓu Eufrat, wa honapara moruveze rwa Samla.

49 Baal-Hanan, omuzandu wa Akbor wa honapara moruveze rwa Saul.

50 Hadad, ngwa zire kotjihuro Pagu, wa honapara moruveze rwa Hadad; nomukazendu we wa rukirwe Mehetabel, omusuko wa Matred, omusuko wa Mesahab.

51 Kombunda yonḓiro ya Hadad, Ovaedom va honaparerwa i ovahona mba: OoTimna na Alwa na Jeter, 52 na Oholibama na Ela na Pinon, 53 na Kenas na Teman na Mibsar, 54 na Magdiel na Iram; imba omba ri ovahona va Edom.