Ndjambi eye Ombara Onenenene youye auhe
1 Muhona eye Ombara
nu oviwaṋa mavi zezera.
Eye wa haama kotjihavero tje tjouhona
kombanda yovakerubi,
nehi mari nyinganyinga.
2 Muhona eye omunene mOsion;
wa tongama tjinene kombanda
yoviwaṋa avihe.
3 Ovyo ngavi tange ena re enene neurumise.
Eye Omuyapuke, tjiri!
4 Mbara onamasa, ove wa suvera ousemba;
Ove wa zikamisa omihingo vyomausemba,
nu wa eta ombanguriro nousemba mOisrael.
5 Tangeye Muhona, Ndjambi wetu;
rikotameneye komurungu
wotjihavero tje tjouhona!
Eye Omuyapuke, tjiri!
6 Moses na Aron va ri ovapristeri ve,
nu Samuel wa ri umwe wa imba
mbaa ve kumbu ku ye.
Owo va kwa ku Muhona,
neye we ve zuvira.
7 Eye wa hungira ku wo
motjindwimise tjotjikamba;
nowo va kara nonḓuviro komatwako
na komazikamisiro eye nge ve pa.
8 Muhona, Ndjambi wetu,
ove wa zuvira otjiwaṋa tjoye;
Ove ku wo wa ri otja Ndjambi ngu isira,
nandarire kutja we
ve verera omauvi wawo.
9 Tangeye Muhona, Ndjambi wetu,
rikotameneneye pondundu ye ondjapuke!
Muhona, Ndjambi wetu,
tjiri, eye omuyapuke.
© Herero Revision Bible © Bible Society in Namibia, 2021.
