Okuriyameka ku Muhona
Komuimburise. Epsalme ra David.
1 Onḓakameno yandje me twa
mu Muhona, pu pena omaundiro.
Okutjavi tji mamu tja nai ku ami:
“Tukira kozondundu otja onḓera!
2 Tara, ovanauvi va rumbire omauta wawo,
nu va twako oviku vyawo komiko
ve yahe ovasemba monḓorera.
3 Omusemba ke notjiṋa okutjita,
orupare romazikameno tji rwa zukurwa.”
4 Muhona u ri mondjuwo ye ondjapuke,
otjihavero tje tjouhona tji ri meyuru.
Eye u muna koṋa akuhe,
nu u konḓonona avihe ovandu mbi ve tjita.
5 Eye u konḓonona ovasemba novanauvi pupeṱa,
nu wa tonda ovatjite voutwe nomutima we auhe.
6 Eye u rokisa omakara womuriro
nozosurungu kombanda yovanauvi;
u ve vera nombepo ombyu.
7 Muhona eye omusemba,
nu wa suvera ozondjito ozosemba;
imba mbe tjita ousemba
mave kara momurungu we.
© Herero Revision Bible © Bible Society in Namibia, 2021.
