Muhona eye omurise wetu
Epsalme ra David.
1 Muhona eye omurise wandje;
hi na tji me hepa.
2 Eye me ndji suvisa momaryo wondjoura,
nu me ndji twara komeva omatarareke.
3 Eye me ndji yarura koupe,
nu me ndji hongorere mozondjira
ozosemba motjimbe tjena re,
otja pa kwizika.
4 Nandi mba kayenda motjana tjonḓorera,
hi na tji me tira Muhona,
orondu ove tjinga au ri puna ami.
Okati koye kouṱuta make ndji
tjevere nokundjiṱiza nawa.
5 Ove mo ndji ṱunine omukandi
poṋa ovanavita na ami pu mave ndji munu,
mo ndji yakura otja omuṋangwa omutjuṋikwa,
nu mo urisa otjinwino tjandje nga tji matji tikatika.
6 Me tjiwa kutja ouwa norusuvero rwoye
mavi kara puna ami ngunda ambi nomuinyo,
nami me tura mondjuwo yoye Muhona nga aruhe.
© Herero Revision Bible © Bible Society in Namibia, 2021.
