Ndjambi eye omuhonapare omunenenene
Epsalme ra Asaf.
1 Ndjambi ma haamisa ombongarero yovature veyuru;
eye ma pangura oomukuru ama tja:
2 “Mamu pangura nouhasemba nga ruṋe?
Mamu tjiti ongarera kovanauvi nga ruṋe?
3 Tjiteye ousemba kovasyona nozosewa,
nu mu kondje kutja ovahepauke
novingundi ve mune ousemba.
4 Yameye ovasyona novahepe, nu mu
ve kuture momake wovanauvi.
5 “Tjiri, eṋe kamu tjiwa nu kamu nozondunge!
Mwa zunḓaka okumanuka,
nousemba kombanda yehi kau tji ko.
6 Ami vari mba tja nai:
‘Oweṋe oomukuru,
eṋe amuhe oweṋe ovanatje ovazandu
va wOkombandambanda.’
7 Nungwari nambano mamu koka otja
ovandu namu yanda otja
omuhona ngamwa auhe.”
8 Sekama, Ndjambi,
u honaparere ouye auhe;
oviwaṋa avihe ovyo ouini woye.
© Herero Revision Bible © Bible Society in Namibia, 2021.
