Ozondekurona za Esau
(1Eku 1:34-37)1 Inḓa ozo ozondekurona za Esau, ngu ri Edom. 2 Esau wa kupire ovakazendu vetatu Ovakanaan: Ada, omusuko wa Elon, ingwi Omuhetite, na Oholibama, omusuko wa Ana, ingwi omusuko wa Sibon, Omuhevi; 3 na Basemat, omusuko wa Ismael, omuṱena wa Nebajot. 4 Nu Ada wa panduka omuzandu Elifas, nu Basemat a panduka Reguel. 5 Nu Oholibama wa panduka ooJeus na Jalam na Kora. Imba owo ovazandu va Esau, mba pandukirwa mehi ra Kanaan.
6 Nu Esau wa toora ovakazendu ve, novazandu novasuko ve, novandu avehe vondjuwo ye, novinamuinyo vye, nouini we auhe mbwa ri na wo mehi ra Kanaan, na tjindire kehi ra Seir kokure nomuangu we Jakob. 7 Orondu ouini wawo wa ri ouingi tjinene okutura pamwe; nehi ndo mu va ri otja ovozonganda kaari yenene ku wo, tjinga ava ri novinamuinyo ovingi. 8 Esau, ngu ri Edom, wa katura mehi rozondundu ra Seir.
9 Inḓa onḓe ri ozondekurona za Esau, ihe mukururume wOvaedom, mehi rozondundu ra Seir. 10 Omana wovazandu va Esau owo nga: OElifas, omuzandu wa Ada, omukazendu wa Esau; na Reguel, omuzandu wa Basemat, omukazendu wa Esau. 11 Ozondekurona za Elifas va ri ooTeman na Omar na Sefo na Gatam na Kenas. 12 Nu Timna wa ri omukazendu omumbanda wa Elifas, omuzandu wa Esau; neye wa pandukira Elifas omuzandu Amalek. Owo omba ri ozondekurona za Ada, omukazendu wa Esau.
13 Ozondekurona za Reguel va ri ooNahat na Serak na Sama na Misa. Owo omba ri ozondekurona za Basemat, omukazendu wa Esau.
14 Omukazendu wa Esau, Oholibama, omusuko wa Ana, ondekurona ya Sibon, wa pandukira Esau ooJeus na Jalam na Kora.
15 Imbi omihoko vyozondekurona okuza mu Esau: Elifas, otjiveri tja Esau, va ri: OoTeman na Omar na Sefo na Kenas 16 na Kora na Gatam na Amalek. Imba omba ri oviuru vyomuhoko wa Elifas mehi ra Edom. Imba avehe owo ovazandu va Ada.
17 Nu imba owo ovazandu va Reguel, omuzandu wa Esau: Oviuru vyomihoko ooNahat na Serak na Sama na Misa. Imba owo oviuru vyomuhoko wa Reguel mehi ra Edom. Owo ozondekurona za Basemat, omukazendu wa Esau.
18 Novazandu va Oholibama, omukazendu wa Esau, owo oviuru vyomihoko ooJeus na Jalam na Kora. Imba omba ri oviuru vyomuhoko wa Oholibama, omusuko wa Ana, omukazendu wa Esau. 19 Owo ozondekurona za Esau, ngu ri Edom. Nowo omba ri oviuru vyomihoko.
Ozondekurona za Seir
(1Eku 1:38-42)20 Ovazandu va Seir, Omuhori, mba turire mehi rukuru, owo mba: OoLotan na Sobal na Sibon na Ana, 21 na Dison na Eser na Disan. Imba ombe ri oviuru vyomuhoko wOvahori, ovazandu va Seir mehi ra Edom.
22 Ozondekurona za Lotan ooHori na Hemam nomuṱena wa Lotan oTimna.
23 Ozondekurona za Sobal ozo nḓa: OoAlwan na Manahat na Ebal na Sefi na Onam.
24 Ozondekurona za Sibon: OoAja na Ana. Ana eye ngwi ngwa muna otuharwi twomeva omapyu mokuti onguza, tjaa risa ousino wa ihe Sibon.
25 Ozondekurona za Ana owo mba: Dison nomusuko we Oholibama.
26 Ozondekurona za Dison va ri: OoHemdan na Esban na Itran na Keran.
27 Ozondekurona za Eser: OoBilhan na Sawan na Akan.
28 Ozondekurona za Disan: OoUs na Aran.
29 Imba omba ri oviuru vyomuhoko wOvahori: OoLotan na Sobal na Sibon na Ana 30 na Dison na Eser na Disan. Owo omba ri oviuru vyOvahori otja komihoko vyawo mehi ra Seir.
Ozombara za Edom
(1Eku 1:43-54)31 Ngunda ape hiya kara ombara mOisrael, ozombara nḓa aaze honapara mehi ra Edom, otja mongongorasaneno yazo:
32 Bela, omuzandu wa Beor, ngwa zire kOdinhaba, wa honapara mOedom.
33 Jobab, omuzandu wa Serak, ngwa zire kObosra.
34 Husam, omuzandu wa Jobab, ngwa zire kOteman.
35 Hadad, omuzandu wa Bedad, ngwa zire kOawit wa havera Ovamidian mokuti kwa Moab.
36 Samla, ngwa zire kOmasreka.
37 Saul, ngwa zire kOrehobot, keṋe yonḓonḓu Eufrat.
38 Baal-Hanan, omuzandu wa Akbor, ongwa pingena moruveze rwe.
39 Hadar, ngwa zire kOpagu. Nomukazendu we wa rukwa Mehetabel, ngwa ri omusuko wa Matred, ondekurona ya Mesahab.
40 Esau ongwa ri ihe mukururume womihoko vyOvaedom mbi: OoTimna na Alwa na Jeter, 41 na Kenas na Teman na Mibsar, 42 na Kenas na Teman na Mibsar, 43 na Magdiel na Iram. Omihoko mbi aavi tjiukirwa komaturiro wawo mehi rouini wawo.
© Herero Revision Bible © Bible Society in Namibia, 2021.
