Ondaya ya Muhona i tumbisa
Epsalme ra Salomo.
1 Muhona tje hi nokutunga ondjuwo,
imba mbu mave i tungu
mave tungu omungandjo.
Muhona tje hi nokutjevera otjihuro,
imba mbu mave tji tjevere
mave tjevere omungandjo.
2 Omungandjo ku eṋe okupenduka
omuhuka omunene nokutokerwa orure,
amamu kondjere ehupo reṋu nomasa aehe.
Tjinga Muhona e yandja ku imba
mba suvera owo ngunda averi mozomboṱu.
3 Ovanatje owo otjiyandjewa tja Muhona,
owo ondaya ye katjotjiri.
4 Ovanatje ovazandu, mba kwatwa i
ihe ngunda e ri omutanda,
ve ri otja oviku meke rombangaṋe.
5 Omuṋingandu omurumendu ngwe
urisa omunguma we noviku otja imbyo,
eye kamaa natwa motjiposa
tji ma hakaene novanavita na ye motjombanguriro.
© Herero Revision Bible © Bible Society in Namibia, 2021.
