Eimburiro rokutja okuhepa
1 Eyuva mari ya omundu mu ma imbura ama tja:
“Me ku tanga, Muhona!
Ove wa ṱomazenge na ami,
nungwari nambano ove we ndji huhumiṋa,
nu ko tji nomazenge rukwao.
2 Ndjambi omuyame wandje;
me riyameke ku ye ne ha tira.
Muhona me ndji pe ouvara nomasa;
eye omuyame wandje.
3 Otja omeva omakohoke
punga aye nyandisa omunanyota,
otjiwaṋa tja Ndjambi opunga ama tji yoroka
eye tji me tji yama.”
4 Eyuva mari ya omundu mu ma imbura nai:
“Itjeye okuhepa ku Muhona!
Isaneye ena re kutja eye e mu vatere!
Tjiviseye oviwaṋa avihe oviṋa eye mbya tjita!
Zuvariseye ku vyo kutja ounene we u ṱa pi!
5 Imburireye Muhona,
eye tjinga a tjita oviṋa ovihimise.
Ouye auhe ngau zuve ombuze ndji.
6 Auhe ngwa tura mOsion,
nga yoroke nu nga nyande!
Omuyapuke wa Israel,
eye omunene,
neye wa tura mokati
kotjiwaṋa tje.”
© Herero Revision Bible © Bible Society in Namibia, 2021.
