Ndjambi u tjevera otjiwaṋa tje
1 Imba mbe riyameka ku Muhona
mave sana nondundu Sion, ndji ha teratera
nu ndji hi na maai runduruka.
2 Otja ozondundu punga aza kondoroka Jerusalem,
Muhona opunga e tjevera otjiwaṋa tje,
nambano nga ko nga aruhe.
3 Omunauvi ke nakuhonaparera ko
ehi rovasemba aruhe
kokutja ovasemba ave ha rundapara.
4 Muhona, tjita ouwa ku imba ovawa,
ku imba mbe nonḓuviro komatwako woye!
5 Nungwari imba mbe twara ondjira
yoposyo, Muhona nge ve yandeke
puna imba ovatjite wouvi.
Ohange ngai kare na Israel!
© Herero Revision Bible © Bible Society in Namibia, 2021.
