Eimburiro rondangero
Epsalme rokutja okuhepa.
1 Yorokereye Muhona,
eṋe mahi amuhe!
2 Karereye Muhona nenyando;
indjeye komurungu we
nomaimburiro wenyando!
3 Tjiweye kutja Muhona,
eye onguri Ndjambi.
Eye we tu uta, nu oweṱe ove;
oweṱe otjiwaṋa tje,
oweṱe orupanda ndwe risa.
4 Hiteye momivero vyondjuwo ye nondangero,
hiteye motupanda twayo nomaimburiro;
mu tangeye, nu mu mu hivirike!
5 Orondu Muhona, tjiri, eye omuwa;
orusuvero rwe ru karerera nga aruhe;
eye omuṱakame okuza komuhoko nga komuhoko.
© Herero Revision Bible © Bible Society in Namibia, 2021.
