Imbi Ndjambi ombi ma undjire komundu okutjita
Epsalme ra David.
1 Muhona, owaṋi ngu ma yenene
okuvarura ondjuwo yoye?
Owaṋi ngu ma yenene okurikotamena kOsion,
ondundu yoye ondjapuke?
2 Eye ngwi ngu nonḓuviro
ku Ndjambi moviṋa avihe,
nu ngu tjita ousemba aruhe,
nu ngu hungira ouatjiri nomutima we auhe,
3 nu ngu ha yamba ovakwao;
eye ngwi ngu ha tjiti ouvi kovakwao,
nu ngu ha taka omambo
ohunga novararanganda.
4 Eye ngwi ngwa nyengura
imba Ndjambi mba tonda,
nungwari ngu yozika imba
mbe nonḓuviro ku Muhona;
eye aruhe u yenenisa omakwizikiro we,
nandarire kutja owo omazeu.
5 Eye ngwi ngu ha yazemisa ovimariva
vye kutja a munine po ovitjoziwa,
nu ngu ha kambura oviyandjewa
vyombopero kutja a
kumininine po omuhinandjo.
Ngamwa auhe ngu tjita oviṋa mbi
kamaa yaraara ko nga aruhe.
© Herero Revision Bible © Bible Society in Namibia, 2021.
