EMBO ETENGA ROMAPSALME
Ondaya ya tjiri
1 Omuṋingandu omundu
ngu ha kongorere omapopa wovanauvi,
ngu ha hupu otja ovarunde,
ngu hi nahore novayamburure va Ndjambi.
2 Nungwari, ngu muna ondjoroka
mokuṱakamisa Omatwako wa Muhona,
nu ngu rizemburuka na
wo omutenya nouṱuku.
3 Eye u ri otja omuti mbwa
hapa meṋe yomipupo vyomeva,
mbu twako ovihape
moruveze rwawo orusemba,
womaso nge ha kukuta.
Omundu ngwi u ṋingapara
mu avihe mbye tjita.
4 Nungwari imba ovanauvi kave ri nao.
Owo ve ri otja oviyaya,
mbi piziwa i ombepo.
5 Owo kamaave riyeura meyuva
rombanguriro ya Ndjambi,
nu kamaave yakurwa
mombongo ya Ndjambi.
6 Tjiri, ovasemba mave hongorerwa
nu ave yamwa i Muhona;
nungwari ovanauvi mave i kombandjarero.
© Herero Revision Bible © Bible Society in Namibia, 2021.
