Ndjambi eye Omuhonapare omunenenene
1 Muhona eye Ombara!
Ouye ngau yoroke nu inga
omakoverwa omengi ngaye nyande!
2 Ovikamba nonḓorera vye mu kondoroka;
eye u honapara nousemba
nombanguriro yatjiri.
3 Omuriro u mu hongorera nau nyosa
ovanavita na ye komikuma avihe.
4 Otutjeno twe twombura tu yerisa ouye;
ehi ri muna two nari zezera.
5 Ozondundu ze zuzuka otja erose
komurungu wa Muhona,
komurungu wa Muhona wehi arihe.
6 Omayuru ye hongonona ousemba we,
noviwaṋa avihe vi muna ongeṋangeṋeno ye.
7 Avehe mbe rikotamena kovisenginina
ve ṱisiwa ohoṋi.
Rikoteye komurungu wa Muhona,
oweṋe vakuru vovisenginina amuhe.
8 Ovature va Sion mave zuu nave nyanda,
novihuro vya Juda mavi yorokere
ozombanguriro zoye, Muhona.
9 Orondu ove, Muhona,
u honapara kombanda yehi arihe;
Ove wa tongama tjinene kombanda
yoomukuru avehe.
10 Eṋe mbu mwa suvera Muhona,
tondeye ouvi!
Eye u yama ominyo vyotjiwaṋa tje
nu u ve hakana momake wovanauvi.
11 Ondjerera i yera kovasemba,
nondjoroka ya tyerwa imba mbe
nomitima omikohoke.
12 Oweṋe vasemba, nyandeye
mu Muhona,
nu mu zemburuke okutanga
ena re eyapuke.
© Herero Revision Bible © Bible Society in Namibia, 2021.
