Ongumbiro yomeriyamekero ku Muhona
Epsalme ra David.
1 Ndji yama, Ndjambi; tjinga move
amuna omaundiro wandje.
2 Ami mbi tja nai ku Muhona:
“Oove oMuhona wandje;
move erike omu mu nouṋingandu wandje auhe.”
3 Ovandu va Muhona ovaṱakame,
owo, tjiri, ovaṋingandu!
Mu wo aveyerike ami omu mbi nonyuṋe tjinene.
4 Imba mbe kongorera oomukuru varwe,
ve ripahera oveni omaumba omengi.
Ami hi nokukara pozombunguhiro zawo;
hi nokurikotamena koomukuru vawo.
5 Ove, Muhona, oove ngu u ri
avihe mbi mbi na vyo,
nu u ndji pa avihe, mbi me hepa
oruyaveze rwandje ru ri momake woye.
6 Oviyandjewa vyoye ku ami, tjiri, ovihimise;
ii, ami mbi notjirumatwa otjiwa!
7 Ami me tanga Muhona,
tjinga e ndji pa omaronga omawa;
wina ouṱuku, ngunda amba rara,
mbi rizemburuka na wo.
8 Ami aruhe mbi rizemburuka
noukarepo wa Muhona;
eye tjinga e ri popezu na ami, hi nokuputara.
9 Opu me tjere okuhepa,
nomutima wandje mau nyanda,
nami me kara nokuhinatjipo,
10 orondu ove u ndji yama konḓiro.
Ove komoo yandjere omuingona
woye kutja a punde motjovakoke.
11 Ove mo ndji raisire ondjira
ndji twara komuinyo;
poukarepo woye mbi muna
po enyando enene,
nu u ndji pa onyuṋe nga aruhe.
© Herero Revision Bible © Bible Society in Namibia, 2021.
