Ndjambi eye Omuvatere
1 Tangeye Muhona!
Tanga Muhona, muinyo wandje!
2 Me tanga Muhona, ngunda ambi
nomuinyo; me imburire Ndjambi
wandje oure womuinyo wandje.
3 Amu riyameke kovahona vovandu,
owo kamaave mu yama.
4 Tji va koka, owo ve yaruka koruuma;
meyuva ndo ozondando zawo
azehe maze yanda.
5 Omuṋingandu omundu ngu na
Ndjambi wa Jakob okumuvatera,
nu ngu undja ku Muhona, Ndjambi we,
6 ngwa utire eyuru nehi nokuvare,
na avihe mbi ri mu vyo.
Eye aruhe u yenenisa omakwizikiro we
7 nu u pangurira ovatatumisiwa osemba,
neye u yandja ovikurya kovaṱandjara.
Muhona u kutura ovahuurwa,
8 nu u munisa ovapoṱu.
Eye u yeura imba mba wa,
u suvera imba mbe tjita ousemba.
9 Muhona u tjevera ovandu
wozonganda mba tura mehi retu;
eye u vatera ovahepundu nozosewa,
nungwari u piza omeripura wovanauvi.
10 Muhona eye ombara nga aruhe.
Ndjambi woye, Sion, u honapara
okuza komuhoko nga komuhoko.
Tangeye Muhona!
© Herero Revision Bible © Bible Society in Namibia, 2021.
