Ongumbiro yonguturiro
1 Muhona tje tu kotora kOjerusalem,
a ri tjimuna oruroto!
2 Tjiri, eṱe twa yora natu imbura nondjorokero!
Oviwaṋa vyarwe otji vye tu hungira nai:
“Muhona wa tjitira ovandu mba
oviṋa ovinene.”
3 Tjiri, Muhona we tu tjitira oviṋa ovinene,
neṱe atu yoroka.
4 Muhona, tu yarura kehi retu,
tjimuna ombura tji i kotora omeva
mozonḓonḓu nḓa pwira.
5 Imba mbe kuna momahoze,
mave wongo nondjorokero.
6 Imba mbe noruhoze tji mave
twara ozondwi okukakuna,
mave kotoka amave imbura
nondjorokero tji mave eta omikuta vyawo.
© Herero Revision Bible © Bible Society in Namibia, 2021.
