Ongumbiro yOmbatero
Komuimburise otja ku Seminit. Epsalme ra David.
1 Tu vatera, Muhona!
Ovanatjari kave tji po;
ovaṱakame kave tji mo mokati kovandu.
2 Ovandu avehe ve korerasana ovizeze;
ve wovisasana nomambo wotjavivi.
3 Muhona mwinisa omaraka wotjavivi,
nu pata ovinyo, mbi rihiva amavi tja:
4 “Momaraka wetu omutu muna mbi matu vanga,
matu hungire mbi matu vanga;
nu kape na ngu ma sora okututjaera.”
5 Nungwari Muhona ma tja nai:
“Nambano ami meya,
orondu ovingundi vi tatumisiwa,
novasyona ve tjema momihihamo vyawo.
Me yandja ombwiro nondjeverero
ku imba mbe nonḓero na vyo.”
6 Omakwizikiro wa Muhona owo omaṱakame;
ye ri otja osilveri ndja zuzurwa mezuko,
nu ndja kohororwa potuhambombari.
7-8 Ovanauvi ve ri koṋa akuhe,
nu auhe u tanga oviṋa vyouvi.
Tu yama aruhe, Muhona,
nu tu tjevera kovandu otja imbo.
© Herero Revision Bible © Bible Society in Namibia, 2021.
