Muhona nombara ye ondoororwa
Epsalme ra David.
1 Muhona wa tja nai komuhona
wandje ombara:
“Kara pehi kokunene kwandje,
ami mbi twe ovanavita na ove kehi
yozombaze zoye.”
2 Muhona ma tandavarisa ouhona
woye okuza kOsion.
Honaparera ovanavita na ove!
3 Otjiwaṋa tjoye tje rirongerera eyuva,
ndi mo rwisa ovanavita na ove.
Ovazandu woye omitanda mave ya
kove kozondundu ozondjapuke
otja omueme womuhuka omunene.
4 Muhona wa yana,
nu ke nokurunduruka ko:
“Oove omupristeri nga aruhe otja
komuhingo woupristeri wa Melkisedek.”
5 Muhona u ri kokunene kwoye;
meyuva romazenge we eye ma
ṱukuṱura ozombara.
6 Eye ma pangura oviwaṋa,
ma yandeke ovanane vavyo avehe
kombanda yehi,
nokuti akuhe maku ura noturova.
7 Ombara mai nu omeva momupupo
mbu ri meṋe yondjira,
oyo otji mai hara omasa nai ningi outoṋi.
© Herero Revision Bible © Bible Society in Namibia, 2021.
