Nehemia 7 - Herero Revision Bible (HRR)

1 Orumbo tji rwa za nokutungururwa, nomivero tji vya za nokutuwa poṋa pavyo, ovatjevere vondjuwo ya Muhona novaimbure vomaimburiro omayapuke nOvalevi ovakwao otji va pewa oviungura vyawo. 2 Ami mba zika ovarumendu mba vevari okuhonaparera otjihuro Jerusalem: Omuangu wandje Hanani na Hananja, omuhongore wotjiṱunga. Hananja wari omurumendu omuṱakame, nu ngwa ri nondira ku Ndjambi pu avehe. 3 Ami mbe ve raera kutja ave ha paturura omivero vya Jerusalem omuhuka nga eyuva tji ra zu, nokutja ve vi pate, ovatjevere ngunda ave hiya kutuka, eyuva tji ratoko. Wina mbe ve raera kutja ve zike ovatjevere movandu, mba tura mOjerusalem, nu ve yandje otuveze tworive twomatjeverero ku tjiva vawo, na ku varwe kutja ve tjevere orupanda ndwa kondoroka ozondjuwo zawo oveni.

Omana wa imba mba kotoka okuza kouhuura

(Esra 2:1-70)

4 Jerusalem tja ri otjihuro otjinene, nungwari kamwa turire ovandu ovengi mu tjo, nu ingee kamwa tungirwe ozondjuwo ozengi. 5 Ndjambi we ndjipa ouripura wokutja mbi woronganise otjiwaṋa novanane novahongore vatjo, nu mbi konḓonone omana womaṱunḓu wawo. Nu ami mba muna omana wa imba mba tenga po okukotoka okuza kotjiriro, nomatjangero ngu mba muna owo nga:

6 Ovengi vovahuurwa va za morukondwa rwehi ra Babilon, nave kotoka kOjerusalem na kOjuda, auhe kotjihuro tje. Omaṱunḓu wawo ya ri mouhuura mObabilon okuza koruveze ombara Nebukadnesar ndwe ve twarere ngo otja ovahuurwa. 7 Ovanane vawo va ri Serubabel na Jesua na Nehemia na Asarja na Raamja na Nahamani na Mordekai na Bilsan na Misperet na Bigwai na Rehum na Baana.

8 Inga owo omana wozonganda za Israel, notjivaro tjaimba vonganda aihe peke mba kotokere okuza kouhuura:

Ozondekurona zonganda ya Paros za ri 2 172;

9 ozondekurona zonganda ya Sefatia za ri 372;

10 ozondekurona zonganda ya Arak za ri 652;

11 ozondekurona zonganda ya Pahat-Moab, okutja ozondekurona za Jesua noza Joab, za ri 2 818;

12 ozondekurona zonganda ya Elam za ri 1 254;

13 ozondekurona zonganda ya Satu za ri 845;

14 ozondekurona zonganda ya Sakai za ri 760;

15 ozondekurona zonganda ya Binui za ri 648;

16 ozondekurona zonganda ya Bebai za ri 628;

17 ozondekurona zonganda ya Asgad za ri 2 322;

18 ozondekurona zonganda ya Adonikam za ri 667;

19 ozondekurona zonganda ya Bigwai za ri 2,067;

20 ozondekurona zonganda ya Adin za ri 655;

21 ozondekurona zonganda ya Ater, wina ngu ri Hiskija, za ri 98;

22 ozondekurona zonganda ya Hasum za ri 328;

23 ozondekurona zonganda ya Besai za ri 324;

24 ozondekurona zonganda ya Harif za ri 112;

25 ozondekurona zonganda ya Gibeon za ri 95.

26 Ovandu vooihe mukururume mba turire movihuro mbi, wina va kotoka:

MObetlehem na mOnetofa mwa ri 188;

27 mOanatot mwa ri 128;

28 mObet-Asmawet mwa ri 42;

29 mOkirjat-Jearim na Kefira na Beerot mwa ri 743;

30 mOrama na Geba mwa ri 621;

31 mOmikmas mwa ri 122;

32 mObetel na Ai mwa ri 123;

33 mOnebo tjarwe mwa ri 52;

34 ozondekurona zonganda ya Elam warwe za ri 1 254;

35 ozondekurona zonganda ya Harim za ri 320;

36 mOjeriko mwa ri 345;

37 mOno na Hadid na Ono mwa ri 721;

38 ozondekurona zonganda ya Senaa za ri 3 930.

39 Omana wozonganda zovapristeri mba kotoka okuza kouhuura, owo nga:

Ozondekurona zonganda ya Jedaja, okutja ozondekurona za Jesua, za ri 973;

40 ozondekurona zonganda ya Imer za ri 1,052;

41 ozondekurona zonganda ya Pashur za ri 1 247;

42 ozondekurona zonganda ya Harim za ri 1,017.

43 Omana wozonganda zOvalevi mba kotoka okuza kotjihuuriro, owo nga:

Ozondekurona zonganda ya Jesua, okutja ozondekurona za Kadmiel noza Binui noza Hodawja, za ri 74.

44 Ozondekurona zovatjevere vondjuwo ya Muhona, okutja ozondekurona za Salum noza Ater noza Talmon noza Akub noza Hatita noza Sabai za ri 138.

45 Ozondekurona zovatjevere vondjuwo ya Muhona, okutja ozondekurona za Salum noza Ater noza Talmon noza Akub noza Hatita noza Sobai za ri 138.

46 Omana wozondekurona zovandu vondjuwo ya Muhona, owo nga: Ozondekurona zonganda ya Siha noya Hasufa noya Tabaot, 47 noya Keros moya Sia noya Padon, 48 noya Lebana noya Hagaba noya Salmai, 49 noya Hanan noya Gidel noya Gahar, 50 noya Reaja noya Resin noya Nekoda, 51 noya Gasam noya Usa noya Paseak, 52 noya Besai noyOvameuni noyOvanefusi, 53 noya Bakbuk, noya Hakufa, noya Harhur, 54 noya Baslut noya Mehida noya Harsa, 55 noya Barkos noya Sisera noya Temak, 56 noya Nesiak noya Hatifa.

57 Omana wozondekurona zovakarere va Loo, mba kotoka okuza kotjihuuriro, owo nga: Ozondekurona zonganda ya Sotai noya Soferet noya Peruda, 58 noya Jaala noya Darkon noya Gidel, 59 noya Sefatia noya Hatil noya Pokeret-Sebajim noya Amon.

60 Otjivaro atjihe kumwe tjovaungure vondjuwo ya Muhona notjovakarere va Salomo, mba kotoka okuza kouhuura, tja ri 392.

61-62 Pa ri ozondekurona 642 zonganda ya Delaja noya Tobija noya Nekoda nḓa zire kovihuro ooTel-Melak na Tel-Harsa na Kerub-Adon na Imer; nungwari kava sorere okuraisa kutja va ri ozondekurona za Israel.

63-64 Ozonganda zovapristeri mbaa ve ha sora okuraisa omatjangero womana wooihe mukururume ozo nḓa: Onganda ya Habaja noya Kos noya Barsilai. Ihe mukururume wonganda yovapristeri ya Barsilai wa kupire omukazendu wonganda ya Barsilai wa Gilead, notja kambura ena ronganda ya ihe omukwe. Owo tjinga ave ha sorere okuraisa oihe mukururume kutja oowaṋi, otji ve ha yakurirwe moupristeri. 65 Ongooneya yOvajuda we ve raera kutja kave nokupwa okurya ovikurya oviyapukeyapuke, nga tji mape kara omupristeri ngu ma yenene okuumba ozohanga Urim no Tummim.

66 Otjivaro atjihe kumwe tjovahuurwa mba kotoka tja ri 42 360.

67 Ovakarere ovakazendu novarumendu avehe kumwe va ri 7 337;

ovaimbure ovarumendu novakazendu avehe kumwe va ri 245.

68 Owo va ri noukambe 736

nousinokambe 245,

69 nozongamero 435,

nousino 6 720.

70 Ovandu ovengi votjiwaṋa va yandja oviyandjewa kutja ve vatere omatungururiro wondjuwo ya Muhona: Ongooneya wa yandja ongoldo yondjinda yozokirograma hambondatu, noviyaha vyozombunguhiro omirongo vitano, nozombanda zovapristeri 530. 71 Oviuru vyozonganda vya yandja ongoldo yondjinda yozokirograma 168, nosilveri yondjinda yozokirograma 1 250. 72 Novandu ovakwao va yandja ongoldo yondjinda yozokirograma 168, nosilveri yondjinda yozokirograma 140, nozombanda zovapristeri omirongo hamboumwe na hambombari.

73 Ovapristeri nOvalevi, novatjevere vondjuwo ya Muhona novaimbure, novandu ovengi vakauriri, novaungure vondjuwo ya Muhona, ihi otjiwaṋa atjihe tjOvaisrael, va tura movirongo na movihuro vya Juda.