1 ǃKhūbats ga ǃao, ots ge nēsa nî dī. ǂHanubats ga ǁkhāǁkhāsen ots ge Gā-aisiba nî hō. 2 ǁÎb ge satsa ǁgûs tamas ka io ǂkham ǃgametaras khami nî ǁkhoreǁhare. 3 ǁÎb ge satsa gā-aisib tsî ǂans tsîra, ǂû-i tsî ā-i khami nî mā. 4 Mâxōǀkhās ǃaroma ǁîb ai ǂgomaiǂnûi, ots ge tātsē taotaohe tide. 5 ǁÎb ge satsa sa ǀgūkhoen ǃgâ-ai ǃgôasiba nî mā tsî ǂnûdi ǃnâts ga ǃhoa, o ǂhanu mîde nî mā tsi. 6 Sats ge ǃgâiaǂgaob tsî dâba nî hō tsîs ge sa ǀonsa ǀamose ǂâis ǃnâ nî ūhâhe.
7 Xawen ge khoen hîa gâ tamas ka io ra ǁorena tātsēs tsîna Gā-aisiba mûs xawesa hî tide. 8 ǁÎb ge tātsēs tsîna ǀgapiǂâixa khoen ǀkha dīxūxa tide tsî ǂhumi-aon ge ǁîb xa ǂâi tide. 9 ǁOre-aona koatsanade ǁnaes ge ǁîb ge ǁnāsa ǁîn di ǂgaogu ǃnâ ǂgā tama hâ i xui-ao ūǃoasa tama hâ. 10 ǁNaetsana-i ge gā-aisiba nî ǁgauǂui tsî ǃKhūb ǂûb xa nî ûi-ûihe.
ǃNorasa ǂgaoǀkhās
11 ǃKhūb ge ǁîb a ǃhuisa xū-e ǃaroma tama hâ, xuige tā ǃKhūba sa ǁoreb ǃaroma ǀhapimā. 12 Tā ǁîb xats ge ǂgaeǂhapuhe ti mî. ǁÎb ge ǁore-aon di huiba ǂhâba tama hâ, ǁîb di ǂâibasensa dīǀoaǀoas ǃaroma. 13 ǃKhūb ge ǂkhababa ǁîb di īsigu hoagu ǃnâ ǃhuisa tsî ǁnān ǃKhūba ra ǃaoǃgân ge ǁkhāti ǂkhababa ǀnam tama hâ. 14 ǃKhūb ge tsoatsoas ǃnâ khoena kuruo, ob ge ǁîna ǂgaon ra khamin nî dīga ǃnorasasib ǃnâ ge ǁnāxū. 15 ǂGaots kao, ots ge ǃKhūb di mîmāde nî ǃkhōǀgaipe tsî sats ge ǁîbats nî ǂgomǂgomsase hâbasa aitsama nî mîǀgui. 16 ǁÎb ge sa ais ai ǀaes tsî ǁgam-i tsîra ge mā, xuige sa ǃomma ǀhōǂui, î ǂhâbats hâ-e ū. 17 Sats ge ûib tsî ǁōb tsîkha ǁaegu ǁhûi ǁkhā, tsîts ge ǁhûits ra-e nî hō. 18 ǃKhūb di gā-aisib tsî ǁkhāsib tsîn ge a kai tsîb ge ǁîba mâ xū-i hoa-e ra mû. 19 Khoe-i ra dī xū-i hoa-eb ge a ǂan, tsîb ge ǁîba ra ǃaoǃgâna ra ǃûi. 20 ǁÎb ge ǀgui-i ân tsîna eloxoresa i nî ǃkhaisa mîmā tamas ka io ǁore i nî ǃkhaisa mā-am tama hâ.
1 If you fear the Lord, you will do this. Master his Law, and you will find Wisdom. 2 She will come to welcome you, like a mother or a young bride. 3 She will give you wisdom and knowledge like food and drink. 4 Rely on her for support, and you will never know the disgrace of failure. 5 She will make you more honored than all your neighbors; when you speak in the assembly, she will give you the right words. 6 You will find happiness and genuine joy; your name will be remembered forever.
7 But people who are foolish or sinful will never even catch sight of Wisdom. 8 She will have nothing to do with conceited people; she never enters the mind of liars. 9 It is not appropriate for a sinner to sing hymns of praise, because his worship is insincere. 10 A hymn should be an expression of wisdom, inspired by the Lord himself.
Free Will
11 Don't blame the Lord for your sin; the Lord does not cause what he hates. 12 Don't claim that he has misled you; he doesn't need the help of sinners to accomplish his purposes. 13 The Lord hates evil in all its forms, and those who fear the Lord find nothing attractive in evil. 14 When, in the beginning, the Lord created human beings, he left them free to do as they wished. 15 If you want to, you can keep the Lord's commands. You can decide whether you will be loyal to him or not. 16 He has placed fire and water before you; reach out and take whichever you want. 17 You have a choice between life and death; you will get whichever you choose. 18 The Lord's wisdom and power are great and he sees everything. 19 He is aware of everything a person does, and he takes care of those who fear him. 20 He has never commanded anyone to be wicked or given anyone permission to sin.
