Semajab di kēbos
(1 Gao-aogu 12:21-24)1 Rehabeammi ge Jerusalems ǃnâb ge sīo, ǀguikaidisi tsî ǁkhaisadisiǀoadisi ǃkham ǁkhā aoga Judab ǃhaos tsî Benjaminni ǃhaos tsîra xu ge ǀhaoǀhao, Israeli ǃoagub nî torodīga, îs gaosisa ǁkhawa ǁîb, Rehabeammi di. 2 Xaweb ge ǃKhūba kēbo-aob Semajab ǃoa ge mî, 3 îb nē ǂhôasa Rehabeammi tsî Judab tsî Benjaminni ǃhaora di khoen hoana sī mîba: 4 “Tā ǃgûǂoa tsî sadu ǃgâsan, Israelǁîn ǃoagu sī torodī. Mâ-i hoa-i âdo sadu omde ǃoa oa, nē ǃkhais go tita xu ī xuige.” On ge ǃKhūb di mîsa ǁnâuǀnam tsî Jerobeammi ǃoagu ǃkhamǃgûsa ge ǀû.
Rehabeammi ge ǃāde ge omǂnami
5 Rehabeammi ge Jerusalems ǃnâ ge ǁan tsîb ge sao ra ǃādi Judab tsî Benjaminni tsîkha dide ge omǂnami: 6 Betlehems, Etams, Tekoas, 7 Betsurs, Sokos, Adulams, 8 Gats, Maresas, Sifs, 9 Adoraims, Lakis, Asekas, 10 Soras, Ajalons tsî Hebrons tsîde. 11 ǁÎb ge ǁîde ǀgaisase omǂnami tsî mâs hoas ǃnâ ǂamkhoeba ge mâi tsîb ge mâs hoas ǃnâ ǂûn, ǀkhera-oli-i, ǂauxûi-i 12 tsî ǁkhāti ǁkhaukhōdi tsî ǁhâigôagu tsîna ge ūhâ i. ǁNātib ge Judab tsî Benjaminni tsîkha ge gaoǂam.
Pristergu tsî Leviǁîgu ge Judab ǃnâ ra sī
13 Hoaraga ǀkharigu Israeli diga xu gu ge pristergu tsî Leviǁîgu tsîga Judab ǁga ge hā. 14 Leviǁîgu ge ǁîgu ǃû-aidi tsî xūn tsîna ǁnāxū tsî Judab tsî Jerusalems tsîra ǃoa ge doe, gao-aob Jerobeammi tsî ǁîb di ôagu tsîn ge ǃKhūb di pristerse gu nî ǃoaba ǃkhaisa mā-am gu tama i xui-ao. 15 Jerobeammi ge ǁîb di ǂhunuma pristerga ge ǁgaumâi, ǀūben ǀgoreǀîǃkhaidi ai gu nî ǃoabase, tsî ǁgâuagu tsî ǁîb ge kuru tsâukha di īkha tsîna nî ǀgoreǀîse. 16 Israelǁîn ǃhaodi di khoen ǃKhūb Israeli di Eloba ra ǃoaba ǂgaon hoan ge Leviǁîga Jerusalems ǁga ge sao, ǃKhūb ǁîn aboxagu di Eloban ǁguibade nî ǀkhī-ūba ǁkhāse. 17 ǁNā ǃkhais ge Judab di gaosisa ge ǀgaiǀgai, tsîn ge ǃnona kuriga Salomob ôab Rehabeamma gere ǂkhâǃnâ, tsî gao-aob Davidi tsî gao-aob Salomob tsîkha ǂgaeǂguis ǃnakan ge ûi hâ i khami ge ûi.
Rehabeammi di surib
18 Rehabeammi ge Mahalats, Davidi ôab Jerimoti ôasa ge ǃgame. ǁÎs di îs ge Eliab ôa tsî Isaib ǁnuris Abigailsa ge i. 19 ǁÎra ge ǃnona ǀgôagu, Jeusi, Semarjab tsî Sahammi tsîga ge ūhâ i. 20 Egab ge ǁîba Absalommi ôas Maakas ǀkha ge ǃgame tsîra ge haka ǀgôagu, Abiab, Ataib, Sisab tsî Selomiti tsîga ge ūhâ i. 21 Rehabeammi ge ǀhaob ai disiǁkhaisaǀa taradi tsî ǃnanidisi xōǀkhātaradi tsîna ge ūhâ i, tsîb ge ǀgamdisiǁkhaisaǀa ǀgôagu tsî ǃnanidisi ǀgôadi tsîna ge ǁorabahe. ǁÎb di taradi tsî xōǀkhātaradi hoadi xab ge Maakasa ǃnasase ge ǀnam i, 22 tsîb ge Maakas ôab Abiaba ǃgâsan hoan di danase mâi tsî ǁîba, gao-aoseb nî saoǃgon bise ge ǁgaumâi. 23 Rehabeammi ge gā-aise dī tsî ǀgôagu âba ǁguiǂamde mā tsî ǁîga ǃkharagaguse, Judab tsî Benjaminni di omǂnamisa ǃādi ǃnâ ge ǁan kai. ǁKhātib ge ǁîga ǃnāsa ǂûna mā tsî ǂgui taradi tsîna ge ūba.
Shemaiah's Prophecy
(1 Kings 12.21-24)1 When King Rehoboam arrived in Jerusalem, he called together 180,000 of the best soldiers from the tribes of Benjamin and Judah. He intended to go to war and restore his control over the northern tribes of Israel. 2 But the Lord told the prophet Shemaiah 3 to give this message to King Rehoboam and to all the people of the tribes of Judah and Benjamin: 4 “Do not attack your own relatives. Go home, all of you. What has happened is my will.” They obeyed the Lord's command and did not go to fight Jeroboam.
Rehoboam Fortifies the Cities
5 Rehoboam remained in Jerusalem and had fortifications built for the following cities of Judah and Benjamin: 6 Bethlehem, Etam, Tekoa, 7 Bethzur, Soco, Adullam, 8 Gath, Mareshah, Ziph, 9 Adoraim, Lachish, Azekah, 10 Zorah, Aijalon, and Hebron. 11 He had them strongly fortified and appointed a commander for each of them, and in each one he placed supplies of food, olive oil, and wine, 12 and also shields and spears. In this way he kept Judah and Benjamin under his control.
Priests and Levites Come to Judah
13 From all the territory of Israel priests and Levites came south to Judah. 14 The Levites abandoned their pastures and other land and moved to Judah and Jerusalem, because King Jeroboam of Israel and his successors would not let them serve as priests of the Lord. 15 Jeroboam appointed priests of his own to serve at the pagan places of worship and to worship demons and the idols he made in the form of bull-calves. 16 From all the tribes of Israel people who sincerely wanted to worship the Lord, the God of Israel, followed the Levites to Jerusalem, so that they could offer sacrifices to the Lord, the God of their ancestors. 17 This strengthened the kingdom of Judah, and for three years they supported Rehoboam son of Solomon and lived as they had under the rule of King David and King Solomon.
Rehoboam's Family
18 Rehoboam married Mahalath, whose father was Jerimoth son of David and whose mother was Abihail, the daughter of Eliab and granddaughter of Jesse. 19 They had three sons, Jeush, Shemariah, and Zaham. 20 Later he married Maacah, the daughter of Absalom, and they had four sons: Abijah, Attai, Ziza, and Shelomith. 21 In all, Rehoboam had eighteen wives and sixty concubines, and he fathered twenty-eight sons and sixty daughters. Of all his wives and concubines he loved Maacah best, 22 and he favored her son Abijah over all his other children, choosing him as the one to succeed him as king. 23 Rehoboam wisely assigned responsibilities to his sons and stationed them throughout Judah and Benjamin in the fortified cities. He provided generously for them and also secured many wives for them.
