Nebukadnesari tsî Arfaksad hâkha ǁaegu hâ torob
1 Gao-aob Nebukadnesari ǁîb danaǃās, Ninevesa xu Asiriaǁîna gere ǂgaeǂgui ǁaeb ǃnâb ge gao-aob Arfaksada ǁîb danaǃās Ekbatanasa xu Medeǁîna gere ǂgaeǂgui. 2 Gao-aob Arfaksadi ge Ekbatanas ǂnamipe ǃnonadisi meterga ǀgapi tsî ǀgamdisiǀgamǀa meterga ǁau ǂnubiǂgoaba, ǁhāǂuisa ǀuidi ǀkha ge ǂnubi. Mâ ǀuis hoas ge ǀguikaidisiǃnonadisi sentimeterga ǁau tsî ǀgamkaidisiǃnanidisi sentimeterga ge gaxu i. 3 Mâ ǂgâdaos hoas tawab ge ǂgō-ommi, hakadisihakaǀa meterga ǀgapiba, ǀgamdisiǃnaniǀa meterga ǁau ǃgaoǃgaob ai ge om. 4 Mâ ǂgâdaos hoas ge ǃnonadisi meterga ǀgapi tsî disiǁkhaisaǀa meterga ge ǂhaba i, ǁîb di hoaraga toroǂnubis tsî ǀnūtoroǃkhamaogu tsîgu saogu hâse ǃkharuǃnâ ǁkhāse.
5 Disiǀgamǀaǁî kurib, ǁîb ǂgaeǂguis dib ǃnâb ge gao-aob Nebukadnesara, gao-aob Arfaksadi ǃoagub, hara ǂgāb Rages ǃauga ǁgoeb ai nî torodīse ge ǂoa. 6 ǂGui ǁaedi ge ǁîdi toroǂnubide gao-aob Nebukadnesaran Arfaksadi ǃoagu torob ǃnâ nî huise ge sî, hoa khoen ǃhomgu ǃnâ ge ǁan hâ in, Tigris tsî Eufratǃākha tsî Hidaspes xōǀkhā ge ǁan hâ in tsî ǁkhāti ǁnān hîa gao-aob Arioxi, Elims dib xa ge ǂgaeǂguihe hâ i ǂgāgu ǃnâ ge ǁan hâ in tsîna. Nē toroǃkhamaogu hoagu ge Nebukadnesari tsî ǁîb di Xaldeaǁîtoroǂnubis ǀkha ge ǃgû.
7 Ob ge gao-aob Nebukadnesari, Asiriaǁîn di gao-aoba, Persiaǁîn tsî Asiriab huriǂoasǀkhāb di khoen hîa Silisiab, Damaskus, Libanonni tsî Antilebanonni ǀkharigu ǃnâ ǁan hân tsî ǁnān huri-ammi ai hân 8 tsî Karmelǃhommi, Gileadǀkharib, Galileab ǀapasǀkhāb tsî Jesreelǃgoaǃnāb ǃnâ hân tsîna ge haisiba. 9-10 Nē haisis ge ǁkhāti Samariab tsî ǂnamipe ǁgoe ǃādi khoen ǃoa, ǁnān hîa ǀapas ǀkharib Jordanǃāb, Jerusalems, Betanis, Selous, Kades tsî Gosenǀkharib ǃnūsib kōse ge ǂoa. Nē haisi-ams ge ǁkhāti Egipteǁîn ǃādi Tapanhes, Rameses, Tanis, Memfis tsî Nylǃāba xu Etiopiab ǃhūǀgoras kōse ge sī. 11 Xawen ge hoaraga khoena Asiriaǁîn di gao-aob Nebukadnesari di ǂgansa ūǃoa tama ge i tsî torob ǃnâ ǁhaosa ge ǂkhā. ǁÎn ge toroba dans ǃē-eb ūhâ tama ti ǂâi tsî ǁîb di sîsabega taotaosase tsî ǀkhaiǃomse ge sî-oa.
12 Nē ǃkhais ge gao-aob Nebukadnesara kaise ge ǁaixa kai tsîb ge ǁîb gaosib ǃaromab Silisiab, Damaskus, Siriab, Moab, Judab tsî Egipteb ǃnâ hâ khoen hoana ǀkhao tsî nî ǃgam ǃkhaisa ge nū. Mediteraneahuriba xu Persiahurib kōse hân hoana ǃkhōǂgā hâse. 13 Disihûǀaǁî kurib ǁîb ǂgaeǂguis dib ǃnâb ge gao-aob Nebukadnesara ǁîb toroǂnubisa Arfaksadi ǃoagu nî torodīse ge ǂgaeǂgui. ǁÎb ge Arfaksadi ǀgaib, ǁîb di hātoroǃkhamaogu tsî hākuniǃnari-aogu hoaga ǃkhōǂgā hâb hoaragaba ge hîkākā. 14 ǁNās khaoǃgâb ge Nebukadnesara Mediaǃhūb ǃnâ hâ ǃādi hoade ge ǁkhâuǁnâbasen. Tsîb ge aiǃgû tsî Ekbatanas ǂgō-omga ū, ǁamaǂharuguǃkhaiga hîkākā tsî nē ǃās di îxasiba taosib ǃnâ ge mâi. 15 ǁÎb ge gao-aob Arfaksada Rages ǂnamipe ǁgoe ǃhomgu ǃnâ ǃkhō tsî ge ǃgam. Arfaksadi ǁōb khaoǃgâb 16 ge Nebukadnesari tsî ǁîb hoaraga toroǂnubis tsîna torob ǃnâb ge ǁkhâuǁnâ xūn hoan ǀkha Nineves ǁga ge oa. ǁNāpa gu ge sâsase hâ tsî haka ǁkhâgu ǁaeba ge ǁâudī.
The War between Nebuchadnezzar and Arphaxad
1 While King Nebuchadnezzar was ruling over the Assyrians from his capital city of Nineveh, King Arphaxad ruled over the Medes from his capital city of Ecbatana. 2 Around Ecbatana King Arphaxad built a wall 105 feet high and 75 feet thick of cut stones; each stone was 4½ feet thick and 9 feet long. 3 At each gate he built a tower 150 feet high, with a foundation 90 feet thick. 4 Each gateway was 105 feet high and 60 feet wide—wide enough for his whole army to march through, with the infantry in formation.
5 In the twelfth year of his reign King Nebuchadnezzar went to war against King Arphaxad in the large plain around the city of Rages. 6 Many nations joined forces with King Arphaxad—all the people who lived in the mountains, those who lived along the Tigris, Euphrates, and Hydaspes rivers, as well as those who lived in the plain ruled by King Arioch of Elam. Many nations joined this Chelodite alliance.
7 Then King Nebuchadnezzar of Assyria sent a message to the Persians and to the people to the west, in the regions of Cilicia, Damascus, Lebanon, Antilebanon, to those along the coast, 8 and in the regions of Carmel, Gilead, northern Galilee, and Jezreel Valley. 9-10 The message also went to the people living in Samaria and the nearby towns, to those in the area west of the Jordan River as far as the cities of Jerusalem, Bethany, Chelous, and Kadesh, and to the district of Goshen. The message was also taken to the Egyptian cities of Tahpanhes, Rameses, Tanis, and Memphis, and the district up the Nile River to the Ethiopian border. 11 But everyone in this whole region ignored King Nebuchadnezzar's appeal and refused to take part in the war. They thought that he had no chance of winning the war, so they were not afraid of him and sent his messengers back disgraced and empty-handed.
12 This made Nebuchadnezzar so furious that he vowed he would risk his entire kingdom to take revenge on all those people. He vowed that he would put to death the entire population of Cilicia, Damascus, Syria, Moab, Ammon, Judah, and Egypt—everyone from the Mediterranean Sea to the Persian Gulf.
13 In the seventeenth year of his reign King Nebuchadnezzar led his army into battle against King Arphaxad. He defeated all of Arphaxad's forces, including his entire cavalry, and all his charioteers. 14 Then Nebuchadnezzar occupied all the towns in the land of Media and advanced against the city of Ecbatana. He captured the city's towers, looted its markets, and made that beautiful city a ruin. 15 He captured King Arphaxad in the mountains around Rages and killed him. After Arphaxad's death, 16 Nebuchadnezzar and his entire army returned to Nineveh with all the loot taken in battle. There they relaxed and feasted for four months.
