1 ǁNā ǁaeb ǃnâ di ge hû tarekhoede ǀgui khoeba ǃkhōgu tsî nî mî: “Sise ǂûna se ge nî ǂû; sise sarana se ge nî ana; ase toxopa sa taradi ase ǂanhe re; sise taosiba ūbēba se re!”
Jerusalems ge ǁkhawa nî dī-unuhe
2 ǁNā tsēs aib ge ǃKhūba hai-i hoa-e îsase tsî ǂkhaisase nî ǁhao kai; Israeli khoen hîa ge ûiǃgaun ge ǃhūb ǂûn ǃnâ ǁîn di ǃgâiaǂgaob tsî ǂnīsasib tsîna nî ūhâ. 3 Sions ǃnâ ge ǃgau khoen, ǁnān Jerusalems ǃnâ ûiǃgau hân ge ǃanun ase nî ǃgapaǀîhe, ǁnān Jerusalems ǃnâ ge ûiba mâibahen hoana. 4 ǁNā tsēs aib ge ǃKhūba Sions tarekhoedi ǁoren hoana ǁābē tsî Jerusalems di ǀaoǂnaode ǀgoraǃgâs tsî ǁhabu ra ǀaeb ǀkha ǁaegub âsa xu nî ǃanuǃanu. 5 Ob ge ǃKhūba Sionǃhommi ǂnamipeb hoab ǂamai ǃâus tsî ǀanni tsîna tsēa nî ǁhai kai tsî ǃgāsa ǀaes di ǁhabuba tsuxuba nî khau kai. Elob di ǂkhaisib ge hoaraga ǃāsa ǃnamiǂgā tsî nî ǁkhauba. 6 ǁÎb ǂkhaisib ge tsēa ǁîsa nî somsomǂam tsî ǁîna ǁkhō mâsib tsî ǀgaisa ǀnanub tsîn ǃnâ sâusenǃkhaise nî ība.
1 When that time comes, seven women will grab hold of one man and say, “We can feed and clothe ourselves, but please let us say you are our husband, so that we won't have to endure the shame of being unmarried.”
Jerusalem Will Be Restored
2 The time is coming when the Lord will make every plant and tree in the land grow large and beautiful. All the people of Israel who survive will take delight and pride in the crops that the land produces. 3 Everyone who is left in Jerusalem, whom God has chosen for survival, will be called holy. 4 By his power the Lord will judge and purify the nation and wash away the guilt of Jerusalem and the blood that has been shed there. 5 Then over Mount Zion and over all who are gathered there, the Lord will send a cloud in the daytime and smoke and a bright flame at night. God's glory will cover and protect the whole city. 6 His glory will shade the city from the heat of the day and make it a place of safety, sheltered from the rain and storm.
