Elob ge a ti sâu-ao
1 Hoan xa ǀGapib di sâub ǃnâ ǁan hâ-i
ge Hoaǀgaixab di sommi ǃnâ nî hâ.
2 ǁÎ-i ge ǃKhūba nî mîba:
Sats ge ti ǁhaiǁhâǃkhai tsî ǁkhui-omts
ti Elots, ǁîtsa ta ra ǂgomǃgâtsa.
3 ǁÎb ge satsa aniǃkhō-aob di ǁnoasa xu nî ore
tsî ǁōǁōsa ǂhīǁōna xu.
4 ǁÎb ge ǁgabokha âb ǀkha ra ǃgū-ai tsi,
tsî ǁgabokha âb ǃnakats ge nî ǁhaiǁhâ;
ǂgomǂgomsasib âb ge ǁkhaukhō tsî a sâuǃkhai.
5 Tsuxub di ǃhurib xats ge ǃao tide,
tamas ka io ǂāb tsēa ra ǁkhâuheb xa.
6 Tsûtsû-ais tsuxuba ra ǃgûmas
tamas ka io tsēǃgâǁaeb ai ra hîkākās xa.
7 Sa xōǀkhān ga ǀoadisina ǁnā
tsî sa amǀkhāb ai disiǀoadisina,
xawen ge sa ǀgūse hā tide.
8 Sa mûra ǀkha ǀguits ge kō
tsî ǂkhaba khoen di mādawa-amsa nî mû.
9 Sats ǃKhūts ge a ti ǁhaiǁhâǃkhai.
Hoan xa ǀGapibats ge sa ǁanǃkhaise ge dī,
10 tsî i ge tsū-i xare-e hāǂam tsi tide,
ǁkhāti tsûtsû-ai-i xare-i ge sa tentomsa ǀgū tide.
11 ǁÎb ge ǀhomǃgān âba nî mîmā
în sa ǃgûdaogu hoagu ai ǃûi tsi.
12 ǁÎgu ge ǃomgu ai nî tani tsi
ǂais âtsats ǀui-i ai ǃnom tidese.
13 Xamn tsî ǀaon aits ge nî dā;
ǂkham xamn tsî ǀaonats ge nî dāǂkhū.
14 “Titab ǀnam xui-ao ta ge ǁîba nî huiǂui;
ti ǀonsab ǂan xui-ao ta ge ǁîba nî sâu.
15 Titab ga ǂgaiǀî
o ta ge ǁîba nî ǁnâu-am, ǂōǂōsib ǁaeb ǃnâ.
Tita ge ǁîba huiǂui tsî ǃgôasiba nî mā.
16 Tita ge ǁîba gaxu ûiǁaeb ǀkha nî ǁâǁâ
tsî ta ge ǁîba ti ǃgâiǃōsiba nî ǁgau.”
God Our Protector
1 Whoever goes to the Lord for safety,
whoever remains under the protection of the Almighty,
2 can say to him,
“You are my defender and protector.
You are my God; in you I trust.”
3 He will keep you safe from all hidden dangers
and from all deadly diseases.
4 He will cover you with his wings;
you will be safe in his care;
his faithfulness will protect and defend you.
5 You need not fear any dangers at night
or sudden attacks during the day
6 or the plagues that strike in the dark
or the evils that kill in daylight.
7 A thousand may fall dead beside you,
ten thousand all around you,
but you will not be harmed.
8 You will look and see
how the wicked are punished.
9 You have made the Lord your defender,
the Most High your protector,
10 and so no disaster will strike you,
no violence will come near your home.
11 God will put his angels in charge of you
to protect you wherever you go.
12 They will hold you up with their hands
to keep you from hurting your feet on the stones.
13 You will trample down lions and snakes,
fierce lions and poisonous snakes.
14 God says, “I will save those who love me
and will protect those who acknowledge me as Lord.
15 When they call to me, I will answer them;
when they are in trouble, I will be with them.
I will rescue them and honor them.
16 I will reward them with long life;
I will save them.”
