Ekumaido okupandula Kalunga nokudulika kuye
1 Ileni, tu kuwilileni Omwene,
tu nyakukilweni emanya lexupifo letu!
2 Tu holokeni koshipala shaye nokupandula,
fye tu mu tanheleni nomaimbilo ehambelelo.
3 Osheshi Omwene Oye Kalunga kanene
nohamba inene kombada yookalunga aveshe.
4 Oye tuu ou e kwete meke laye
eembwili domeni ledu,
neexulo deemhunda odaye.
5 Nefuta olaye, osheshi Oye e li shita,
nedu likukutu olo la mewa keke laye.
6 Ileni, tu linyongameneni, fye tu liwitike pedu,
Omwene Omushiti wetu tu mu twileni eengolo!
7 Osheshi Oye Kalunga ketu,
ndele fye oshiwana shoufita waye,
needi domeke laye.
Akutu ngeno nena nye mu ude ondaka yaye:
8 “Inamu kukutika omitima deni,
ngaashi sha ningilwe muMeriba,
ngaashi efiku linya kuMassa mofuka,
9 omo ooxo va shindile nge,
nova yelekele nge,
nande va mona oilonga yange.
10 Omido omilongo ine
onda li nda tondifwa kepupi olo, opo nda tya:
‘Oshiwana eshi shi nomitima da puka;
ndele vo inava hala okushiiva eendjila dange.’
11 Opo nee mehandu lange onda anene nda tya:
‘Vo itava fiki metulumuko lange!’ ”
© Oshikwanyama Bible Revised © Bible Society of Namibia, 2008, 2012.
