Oshitukulwafyuululwa shaEfraim
1 Noshihoololifo shoshitukulwa shovana vaJosef osheshi: okudja kuJordan puJeriko, koushilo womeva aJeriko langhele lwokombuwa yaJeriko omufinda wongaba tau londo keemhunda langhele lwokuBetel, 2 ndele tau di kuBetel tau i kuLus ndele tau ende nokuya koshilongo shOvaarki fiyo okuAtarot. 3 Opo nee tau kulukile mouninginino moshilongo shOvafleti nomoshilongo shaBet-Horon shoposhi nafiyo okuGeser ndele tau xulile mEfuta Lopokati. 4 Osho ngaha hano ovana vaJosef, Manasse naEfraim va mona oshitukulwafyuululwa.
5 Noshitukulwalongo shovana vaEfraim pamaludi avo osheshi nokutya, omufinda wongaba woshitukulwafyuululwa moushilo osheshi: Atarot-Addar fiyo okuBet-Horon shokombada, 6 opo nee omufinda tau i kEfuta Lopokati. Moumbangalanhu: Migmetat. Opo nee omufinda tau ngolyokele koushilo tau i kuTaanat-Silo ndele tau ende koushilo washo fiyo okuJanoak. 7 Ndele tau di kuJanoak tau i kuAtarot naNaara ndele tau tu Jeriko ndele tau xulile muJordan. 8 Okudja kuTappuah omufinda tau ende kouninginino tau i kokamulonga kaKana; opo nee tau xulile mefuta. Osho hano oshitukulwafyuululwa shovana vaEfraim pamaludi avo. 9 Noilando aishe ovana vaEfraim ve i tukulilwa moshitukulwafyuululwa shovana vaManasse oilando aishe pamwe nomikunda dayo. 10 Ndelenee vo inava ta mo Ovakaanan, oonakukalamo muGeser. Osho ngaha hano Ovakaanan va kala mokati kOvaefraim fiyo onena eli. Ndelenee vo ova li ve nokulongela Ovaisraeli.
© Oshikwanyama Bible Revised © Bible Society of Namibia, 2008, 2012.
