Epandulo molwoshishipo
Epsalome, eimbilo, la pewa enyakwa lolwiimbo oku li shika mouxumbafeta.
1 Kalunga ne tu file onghenda, Ye ne tu punike,
Oye ne tu minikilile oshipala shaye. Sela
2 Opo kombada yedu ku shiivike ondjila yoye,
nomokati koiwana yovapaani exupifo loye.
3 Kalunga, oiwana yoilongo oi noku ku fimaneka,
oiwana aishe yoilongo kumwe nai ku fimaneke.
4 Omaludi nomaludi naa hafe nokukuwilila,
molwaashi to tokola oiwana nouyuki,
noto kwatele omaludi kombada yedu komesho. Sela
5 Kalunga, oiwana yoilongo oi noku ku fimaneka,
oiwana aishe kumwe yoilongo nai ku fimaneke.
6 Edu oli li po la menifa omumeno walo:
fye ohatu ka punikwa kuKalunga, Kalunga ketu.
7 Kalunga ne tu nangeke noupuna.
Ndele Oye na tilike fiyo okeexulo adishe dounyuni.
© Oshikwanyama Bible Revised © Bible Society of Namibia, 2008, 2012.
