Epandulo molwouwa waKalunga
Epsalome, eimbilo laDavid, la pewa enyakwa lolwiimbo.
1 Oove wa wana okufimanekwa,
Ove, Kalunga muSion,
Oove u nokuwanifilwa omaudaneko;
2 Oove, Omuudi womailikano,
ombelela aishe i nokuuya kwoove.
3 Owii wange omuhapu unene;
ndelenee Ove to tu dimine po omanyono etu.
4 Omunelao ou, we mu hoolola,
ndele oto itavele a ehene kwoove,
ye a kale momikala doye,
opo fye tu palulwe kouwa weumbo loye,
mouyapuki wotembeli yoye.
5 Oove ho tu nyamukula noikumwifa mouyuki,
Kalunga kexupifo letu,
Oove eameno lomaxulilo aeshe edu
nolomafuta okokulekule,
6 ou, ho diki eemhunda meenghono doye,
ndele wa mangwa nekwamo leenghono,
7 noho lotifa engungumo lomafuta,
engungumo lomakufikufi ao,
nomakolokoto ovanhu,
8 opo nee ovanhu vokomaxulilo edu,
vo va tile oidimbulukifo yoye;
noilongo ei ya shiya ko
koushilo nokoutokelo, to i yadifa ehafo.
9 Ove wa yavelela edu, to li tutike,
ndele oto li ningi la punapala unene,
nomulonga waKalunga u yadi omeva;
oto va menifile oilya;
osheshi osho ngaha to longekida edu.
10 Oto tutike oimhungu yalo,
noto hendifa eehenda dalo,
oto li pupaleke noihomo yodula,
nomumeno walo oto u nangeke noupuna.
11 Omudo oto u wapeke nouwa woye,
noshikoti shoye oto shi shishifile omaadi.
12 Nomwiidi womaulifilo, outalala mboomboo,
noikulundudu ya djala enyakuko.
13 Oyana nomilola oya djala omaufita eedi,
nomalufilu okwe lituvika noilya;
ope nenyakuko nokwiimba.
© Oshikwanyama Bible Revised © Bible Society of Namibia, 2008, 2012.
