Etwikilo lEpsalome la tetekela
1 Kalunga, yukifile nge, u popile nge
kovanhu vehe na onghenda,
Omwene, Ove u xupife nge
kovanhu ve noipupulu noumbudi.
2 Osheshi Kalunga, Oove ou, ho amene nge.
Owa ekelela nge shi shike?
Ohandi endele shike nda nyika oluhodi
mokufininikwa komutondi wange?
3 Tumine nge ouyelele noshili yoye,
oyo i kwatele nge komesho,
yo i twale nge komhunda yoye iyapuki
nokoukalelo woye,
4 ame ndi fike koaltari yaKalunga,
kuKalunga kekaluko lange,
nondi pandule, Kalunga,
ndi ku shikile okaxumbafeta,
naKalunga kange!
5 Omwenyo wange, oshike wa polimana ngaha,
ndele to nhukauka meni lange uhe na efudo?
Teelela Kalunga!
Osheshi natango tuu handi ke mu hambelela,
Omuxupifi wange naKalunga kange.
© Oshikwanyama Bible Revised © Bible Society of Namibia, 2008, 2012.
