Elao lovatilikalunga
1 Halleluya!
Omulumenhu omunelao ou ha tila Omwene,
ndele ta hokwa shili oipango yaye.
2 Ovana vaye otava ka kala
ovanaenghono moshilongo;
oludi lovayuki otali ka punikwa.
3 Meumbo laye omu yadi oinima noupuna,
nouyuki waye otau kalele.
4 Ovayuki ote va pitile ngaashi ouyelele momulaulu,
omunalukeno nomunanghenda nomuyuki.
5 Ou ha file onghenda
ndele ta yandje nokuhateelela sha,
oye omukalinawa.
Ta diinine oinima yaye pauyuki;
6 shaashi ye iha tengauka nande;
okudimbulukiwa kwomuyuki
otaku kala alushe.
7 Eenghundana dii ye ite di tila;
omutima waye itau mbadapala,
owe lineekela Omwene.
8 Omutima waye owa dja oumbada,
ye ita tila nande osha,
fiyo ote litadele ovatondi vaye.
9 Ta yandje neke lakamutuluka,
neehepele ohe di pe oshali;
ouyuki waye otau kala po alushe;
oluvinga laye otali yeluka pombada
la tumbalekwa.
10 Omulunde ote shi mono,
ndele tashi mu twifa ondubo;
ota kwesha omayoo ndele ta xulu po;
omahalelo ovadinikalunga ihaa wanifwa,
taa kala ongaho.
© Oshikwanyama Bible Revised © Bible Society of Namibia, 2008, 2012.
