Ovalininipiki tava tumbalekwa kOmwene
1 Halleluya!
Ovapiya vOmwene nye, tangeni,
tangeni edina lOmwene!
2 Edina lOmwene nali fimanekwe
onena fiyo omoukwaalushe.
3 Kepito letango fiyo okeningino lalo nali tangwe.
4 Omwene okwa tumbala
kombada yoiwana aishe yoilongo,
oshingefimano shaye osha lunda eulu.
5 Olyelye e fike pOmwene, Kalunga ketu,
ou e nonhele yokukala kwaye kombada,
6 ndele ta tale mokule mwi,
meulu nokombada yedu?
7 Ohepele ote i tumbu mo mondwi yedu,
nomufyoona ote mu toola mo monyata,
8 e mu kaleke omutumba pamwe noidale,
pamwe noidalekele yoshiwana shaye.
9 Omwalikadi ongadji ote mu pe onhele meumbo,
ote mu ningi omudalakadi a hafele ovana.
Halleluya!
© Oshikwanyama Bible Revised © Bible Society of Namibia, 2008, 2012.
