Onghuwo yomulidilululi
Ounongoimbilo waDavid.
1 Omunelao ou omanyono aye a dimwa po
nomatimba aye a tuvikwa.
2 Omulumenhu omunelao oye ou
Omwene ite mu valulile owii waye,
nomomhepo yaye ngeenge kamu na ekonda.
3 Eshi nda li inandi hepaulula omatimba,
omakipa ange a li a tekauka
molweemhata domeni lange efiku alishe.
4 Osheshi omutenya noufiku,
eke loye ola li la lyaminikila nge poshi;
omungo wange owa kukutila mo,
wa fa wa kukutikwa kokwenye. Sela
5 Opo nee onde ku hepaululila omatimba ange,
noulunde wange inandi u holeka, nda tya:
“Onda hala ndi hepaululile Omwene omanyono ange”;
opo ove owa kufila nge po owii womatimba ange. Sela
6 Onghee hano omuyuki ne ku ilikane fimbo to hangika,
opo ngeenge tape uya omayelu manene,
ehe mu kungulule.
7 Oove oshihondamwa shange,
to amene nge koudjuu;
oto dingililifa nge nehafo lexupifo. Sela
8 Onda hala ndi ku longe,
ndi ku udikile ondjila, ei u nokweenda nayo;
onda hala ndi ku twe omayele;
eisho lange tali ku pashukile.
9 Inamu fa eenghambe nomamula,
aa ehe na eendunge,
haa tulwa oitomo momakanya noikeshele,
i deule ava vapwidi, va ehene kwoove.
10 Omahepeko ovahenakalunga
oku li po mahapu;
ndelenee ou te lineekele Omwene,
ota dingililwa konghenda.
11 Ovayuki nye, hafeleni mOmwene,
nye kalukeni eenghalu,
nyakukweni pombada,
amushe nye ovayuki momutima.
© Oshikwanyama Bible Revised © Bible Society of Namibia, 2008, 2012.
