Eengudu omilongo mbali nanhee dovapristeli nodOvalevi
1 Novana vaAron yo va li ve neengudu davo. Ovana ovamati vaAron va li: Nadab naAbihu, Eliaser naItamar. 2 Ndelenee Nadab naAbihu va fya moipafi yaxe, ndele vo va li vehe novana ovamati, onghee hano Eliaser naItamar va yakula moshilonga shoupristeli. 3 Ndele David pamwe naSadok womovana vaEliaser naAhimelek womovana vaItamar, ove va tukula eengudu pashilonga shavo. 4 Ndelenee eshi pa monika nokutya, movana ovamati vaEliaser mwa li ovakulunhu vahapu, ve dule ava vomovana ovamati vaItamar, ove va tukula ngaha: ovana ovamati vaEliaser va pewa ovakulunhu omulongo navahamano pamapata ndele ovana ovamati vaItamar vahetatu pamapata avo. 5 Ndele ve va tukula pashihoololifo, vo ngaashi venya. Osheshi movana vaEliaser ngaashi movana vaItamar mwa li omalenga otembeli nomalenga aKalunga. 6 Ndele omushangi Shemaia naNetanel womOvalevi okwe va shangela membo moipafi yohamba noyomalenga noyovapristeli Sadok naAhimelek yaAbjatar, noyovakulunhu vomapata ovapristeli vOvalevi. Eumbo limwe la kufwa, mepata laEliaser, nalimwe vali laItamar, pamalufo. 7 Oshihoololifo shotete sha kwata Jojarib, oshitivali Jedaja, 8 oshititatu Harim, oshitine Seorim, 9 oshititano Malkia, noshitihamano Mijamin, 10 oshitiheyali Hakkos, oshitihetatu Abia, 11 oshitimugoi Josua, noshitimulongo Sekanja, 12 oshitimulongo nashimwe Eljasib, oshitimulongo noshitivali Jakim, 13 oshitimulongo noshititatu Huppa, oshitimulongo noshitine Jesebeab, 14 oshitimulongo noshititano Bilga, oshitimulongo noshitihamano Immer, 15 oshitimulongo noshitiheyali Hesir, oshitimulongo noshitihetatu Happisses, 16 oshitimulongo noshitimugoi Petahja, oshitimilongo mbali Jeheskel, 17 oshitimilongo mbali nashimwe Jakin, oshitimilongo mbali noshitivali Gamul 18 oshitimilongo mbali noshititatu Delaja, oshitimilongo mbali noshitine Maasia. 19 Olo hano eshikulafano lomalufo avo omoilonga yavo, va ye mongulu yOmwene palombwelomhango laxe Aron, ngaashi Omwene, Kalunga kaIsrael e mu lombwela.
Ovakulunhu vovana vaLevi
20 Moludalo lovakwao vaLevi mwa valelwa movana ovamati vaAmram: Subael. Movana ovamati vaSubael: Jegdeja. 21 Movana ovamati vaRehabja: Isshia, omukulunhu. 22 MOvaishari: Selomot. Movana ovamati vaSelomot: Jahat. 23 Ovana ovamati vaHebron: Jeria wotete, Amarja omutivali, Jahasiel omutitatu, Jekameam omutine. 24 Ovana ovamati vaUsiel: Mika. Movana vaMika: Samir. 25 Omumwaina waMika kwa li Isshia. Movana vaIsshia: Sakaria. 26 Ovana ovamati vaMerari va li Mahli naMushi, novatekulu vomona waye Jaasia. 27 Ovana vaMerari vomona waye omumati Jaasia va li Soham naSakkur naIbri. 28 Oludalo laMahli: Eliaser. Ye okwa li ehe novana ovalumenhu. 29 Omona waKis kwa li Jerahmeel. 30 Novana vaMushi ovava: Mahli naEder naJerimot. Ovo hano ovana ovamati vOvalevi pamapata avo. 31 Navo yo va li ngaashi oovakwao vavo oludalo laAron, va umba oshihoololifo moipafi yohamba David naSadok naAhimelek novakulunhu vomapata ovapristeli nOvalevi: omukulunhu wepata ngaashi ondenge yaye.
© Oshikwanyama Bible Revised © Bible Society of Namibia, 2008, 2012.
