Olyelye ta itavelelwa okufika kOmwene?
Epsalme laDavid.
1 Omwene, olyelye ta itavelelwa
okukala monduda yoye?
Olyelye ta itavelelwa
okukala komhunda yoye iyapuki?
2 Oye tuu ou ha yukilile nota longo ouyuki,
ndele ta popi oshili momutima waye;
3 noita popyaana nelaka laye
noita ningile omukwao owii,
nomushiinda waye ite mu fifa ohoni.
4 Ye nota dini yo oonakudinwa,
nota fimaneke ava hava tila Kalunga;
nande a anene oshiponga shaye,
eano laye ite li lundulula,
5 noimaliwa yaye ite i yandjele
a shoshelwe ko moku i alulilwa,
ye ita tambula ombubo nokati okeenyala
okupa oushima ou ina ninga sha.
Ou ta yukilile nawa ngaha,
ye ita pundauka fiyo alushe.
© Oshikwanyama Bible Revised © Bible Society of Namibia, 2008, 2012.
