Eilikano mefininiko
Ounongoimbilo waDavid; wa pewa enyakwa lolwiimbo, oku u shika mouxumbafeta pefimbo olo eshi Ovasifi ve uya kuSaul noku mu lombwela tava ti: ‘David okwa hondama pufye’.
1 Kalunga, xupife nge molwedina loye,
Ove yukifile nge molweenghono doye.
2 Kalunga, uda eindilo lange,
Ove pwilikina eendjovo dokanya kange.
3 Osheshi ovanailongo ova shivila nge olwoodi,
ovakolokoshi otava nangele omwenyo wange;
Kalunga ihave mu tula moipafi yavo. Sela
4 Ondi shi shii, Kalunga Oye omukwafi wange,
Omwene Oye eyambidido lomwenyo wange.
5 Owii otau ka shunifilwa ovatondi vange;
va hanauna po molwoudiinini woye.
6 Okehalo liwa nda hala oku ku yambela eyambo,
nokuhambelela edina loye, Omwene, shaashi oliwa.
7 Osheshi olo la xupifa nge momaudjuu aeshe,
nomesho ange otaa hafele okutala ovatondi vange.
© Oshikwanyama Bible Revised © Bible Society of Namibia, 2008, 2012.
