JOSUA 19 - Oshikwanyama Bible (OKYB)

Oshihoololwatukulwa shaSimeon

1 Noshihoololwatukulwa oshitivali osha kwata Simeon kepata lovana vaSimeon pamaludi avo. Oshitukulwafyuululwa shavo osha li pokati koshitukulwafyuululwa shovana vaJuda. 2 Ndele oshitukulwafyuululwa shavo sha li: Berseba naSheba naMolada, 3 naHasar-Sual naBala naEsem, 4 naTolad naBetul naHorma, 5 naSiklag naBet-Markabot naHasar-Susa, 6 naBet-Leboat naSaruhen: oilando omulongo naitatu pamwe nomikunda dayo. 7 Ain, En-Rimmon naEter naAsan: oilando ine pamwe nomikunda dayo. 8 Nomikunda adishe da li moushiinda woilando oyo fiyo okuBaalat-Beer, Rama moshilongo shokoumbuwanhu. Osho hano oshitukulwafyuululwa shepata lovana vaSimeon pamaludi avo. 9 Ovana vaSimeon va pewa oshitukulwafyuululwa shavo moshitukulwafyuululwa shovana vaJuda, osheshi oshitukulwa shovana vaJuda sha li shinene unene kuvo. Onghee hano ovana vaSimeon va pewa oshitukulwafyuululwa mokati koshitukulwafyuululwa shavo.

Oshitukulwafyuululwa shaSebulon

10 Oshihoololwatukulwa oshititatu sha kwata ovana vaSebulon pamaludi avo, nomufinda wongaba woshitukulwafyuululwa shavo wa ya fiyo okuSarid. 11 Kouninginino omufinda tau londo kuMarala, tau tu kuDabbeset nokamulonga oko ke shi ama koushilo waJokneam. 12 Ndele okudja kuSarid tau ngolyoka koushilo kepito letango koshilongo shaKishlot-Tabor ndele tau i kuDaberat ndele tau londo kuJafia, 13 ndele oko tau londo koushilo, kuGat-Hefer, ku-Et-Kasin ndele tau i kuRimmon ndele tau tu kuNeah. 14 Opo nee omufinda tau ngolyoka koumbangalanhu kuHannaton ndele tau xulile mefilu laJiftah-El, 15 naKattat naNahalal naSimron naJideala naBetlehem: oilando omulongo naivali pamwe nomikunda dayo. 16 Osho hano oshitukulwafyuululwa shovana vaSebulon pamaludi avo. Oilando tuu oyo nomikunda dayo.

Oshitukulwafyuululwa shaIsaskar

17 Oshihoololwatukulwa oshitine sha kwata Isaskar, ovana vaIsaskar pamaludi avo, 18 ndele oshitukulwalongo shavo sha ama kuJisreel naKesullot naSunem, 19 naHafaraim naSion naAnagarat, 20 naRabbit naKisjon naEbes, 21 naRemet naEn-Gannim naEn-Hadda naBet-Pases; 22 nomufinda tau tu kuTabor naSahasima naBet-Semes, nomufinda wongaba tau xulile muJordan. Oilando omulongo naihamano pamwe nomikunda dayo. 23 Osho hano oshitukulwafyuululwa shepata lovana vaIsaskar pamaludi avo, oilando pamwe nomikunda dayo.

Oshitukulwafyuululwa shaAsser

24 Noshihoololwatukulwa oshititano sha kwata epata lovana vaAsser pamaludi avo. 25 Noshitukulwalongo shavo osheshi: Helkat naHali naBeten naAksaf, 26 naAllamelek naAmad naMiseal. Ndele sha twa mouninginino kuKarmel nokuSihor-Libnat. 27 Opo nee ongaba tai yukilile koushilo kuBet-Dagon, ndele tai tu kuSebulon nokefilu laJiftah-El koumbangalanhu, Bet-Emek naNehiel, ndele tai ende kolumosho laKabul, 28 naEbron naRehob naHammon naKana fiyo okuSidon-Shinene. 29 Opo nee ongaba tai ngolyoka kuRama nofiyo okohotelando yaTirus. Opo nee omufinda tau ngolyoka kuHosa ndele tau xulile mEfuta Lopokati okudja kuMahalab fiyo okuAksib. 30 NaUmma naAfek naRehob: oilando omilongo mbali naivali pamwe nomikunda dayo. 31 Osho hano oshitukulwafyuululwa shepata lovana vaAsser pamaludi avo. Oilando tuu oyo pamwe nomikunda dayo.

Oshitukulwafyuululwa shaNaftali

32 Oshihoololwatukulwa oshitihamano sha kwata ovana vaNaftali pamaludi avo. 33 Nomufinda wavo wa dja kuHelef komwandi wopuSaananim, naAdami-Nekeb naJabneel fiyo okuLakkum, ndele tau xulile muJordan. 34 Opo nee omufinda tau ngolyoka kouninginino tau i kuAsnot-Tabor, ndele tau di ko tau yuka kuHukkok ndele tau tu kuSebulon moumbuwanhu. Ndelenee mouninginino tau tu kuAsser, ndele moushilo tau tu kuJuda puJordan. 35 Noilando i neehotekuma: Siddim, Ser naHammat, Rakkat naKinneret. 36 NaAdama naRama naHasor, 37 naKedes naEdrei naEn-Hasor, 38 naJireon naMigdal-El, Horem naBet-Anat naBet-Semes: oilando omulongo nomugoi pamwe nomikunda dayo. 39 Osho hano oshitukulwafyuululwa shepata lovana vaNaftali pamaludi avo, oilando nomikunda dayo.

Oshitukulwafyuululwa shaDan

40 Oshihoololwatukulwa oshitiheyali sha kwata epata lovana vaDan pamaludi avo. 41 Moshitukulwafyuululwa shavo omu na: Sorea naEstaol naIr-Semes, 42 naSaalabbin naAijalon naJitla, 43 naElon naTimna naEkron, 44 naElteke naGibbeton naBaalat, 45 naJehud naBene-Berak naGat-Rimmon, 46 naMe-Jarkon naRakkon pamwe nomikunda da shaama naJoppa. 47 Ndelenee oshitukulwalongo shaDan ove shi kufwa, onghee hano ovana vaDan va fikama, ndele va lwifa Lesem ndele ve shi ta noonakukalamo ve va dipaa neongamukonda, ndele ve shi nangala ndele va tula mo. Ndele ve shi ifana Lesem Dan padina laxe yavo Dan. 48 Osho hano oshitukulwafyuululwa shepata lovana vaDan pamaludi avo. Oilando tuu oyo pamwe nomikunda dayo.

Josua ta pewa Timnat-Sera

49 Vo eshi va tukula oshilongo ashishe meni lomifinda dongaba ngaashi oshifyuululwa, ovana vaIsrael va yandja kuJosua yaNun oshitukulwafyuululwa mokati kavo. 50 Palombwelo lOmwene ove mu pa oshilando osho ye e shi indila nokutya, Timnat-Sera keemhunda daEfraim. Ndele ye a tungulula oshilando nokwa kala mo.

51 Oitukulwafyuululwa oyo tuu oyo hano omupristeli Eliaser naJosua yaNun novakulunhu vomaludi va tukulila omapata ovana vaIsrael ngaashi oshifyuululwa pashihoololifo muSilo koshipala shOmwene poshivelo shetwali leongalo. Ndele va mana okutukula oshilongo.